ރަމަޟާން މަސް ނިމުމުން 6 ރޯދަހިފަން ހުރި ފުރުޞަތުތައް ވަރަށް ގިނަވެފައި ފަސޭހައެވެ.
އެގޮތުން ޝައްވާލް މަހުގެ ހޯމަ ބުރާސްފަތީގައި 6 ރޯދަ ހިފައިފިނަމަ 6 ރޯދަހިފިކަމުގެ ޘަވާބާއި އަދި ރޯދަ ހިފުން ސުންނަތްވެގެންވާ އެދުވަސްތަކުގައި ރޯދަ ހިފިކަމުގެ ޘަވާބުވެސް އެމީހަކަށް ދެއްވަވާށނެތެވެ. އިން ޝާ ﷲ
ބޮޑަށް ރަނގަޅީ ރަމަޟާން މަހުގައި ރޯދަ ގެއްލިފައިވާނަމަ އެރޯދަތައް ހިފުމަށްފަހު 6 ރޯދަ ހިފުމެވެ. އެހެންނަމަވެސް ގިނަ ރޯދަ ތަކެއް ގެއްލިފައިވުމުން ޤަޟާކުރަންޖެހޭ ރޯދަ އާއި 6 ރޯދަ ޝައްވާލް މަހުގައި ނުހިފޭނެނަމަ ޝައްވށާލުމަހުގެ 6 ރޯދަ ކުރިން ހިފައި ޤަޟާކުރަންޖެހޭ ރޯދަތައް ފަހުން ހިފުމުގެ ފުރުޞަތުވެސް އެބަ އޮތެވެ.
ޤަޟާކުރަންޖެހޭ ރޯދަ ވީހާ އަވަހަކަށް ހިފައި ނިންމަން މަސައްކަތްކުރަންވާނެއެވެ. އެހެނީ އެއީ ﷲ ތަޢާލާއަށް އޮތް ދަރަންޏެކެވެ.
- ޑރ. މުޙައްމަދު އިޔާޟް ޢަބްދުއްލަޠީފް
