މިއަދުނޫހުގެ މިއަދުގެ ޢަދަދު ޚާއްޞަ "ރަމަޟާންމަހަށްފަހަށް" ޚާއްޞަކުރި ސަބަބުގެ ވާހަކަ ކިޔުންތެރިންނަށް ދަންނަވައިލާނަމެވެ. އެ ސަބަބަކީ ރަމަމާން މަހު ބުރަކޮށް މަސައްކަތްކޮށް ގިނަ އަޅުކަންތައްތަކެއް ކުރުމަށްފަހުގައިވެސް ގިނަ ބައަކަށް އެމީހުންކުރި މަސައްކަތް ނަގައިލެވޭތީއެވެ. މިއަދުނޫހުގައި މިމަޢުޟޫއަށް 6 ލިޔުން ހިމަނައިލީ ހަމަ މިކަމުގެ މުހިންމުކަން ބޮޑުކަމުންނެވެ.
6 ދަރުސް ރަނގަޅަށް ސަމާލުކަން ދެއްވައިގެން ވިދާޅުވެއްޖެނަމަ، އަދި ދަރުސްގެ އޯޑިއޯ އަޑުއައްސަވައިފިނަމަ އެމީހާގެ މުސްތަޤްބަލަށް ބޮޑެތި ފައިދާތަކެއްކުރާނެއެވެ. ދުނިޔެއާއި އާޚިރަތް ކާމިޔާބުކުރަން އެތައް ގޮތަކުން މަގުފަހިވެގެންދާނެއެވެ. އިން ޝާ ﷲ
ކޮންމެ ކަމަކަށް ބެލިނަމަވެސް އެކަމެއް ކުރުމަށްވުރެ އުނދަގުލީ އެކަމެއް ދެމެހެއްޓުމެވެ. އެއީ ދުނިޔަވީ ކަންކަމުގައިވެސް ފެނި ތަޖުރިބާކުރެވެމުން އަންނަ ކަމެކެވެ. ދުޢާއަކީ ނިމިގެން މިދިއަ ރަމަޟާން މަހު ކުރި އަޅުކަމުގެ ފައިދާ ދުނިޔެއާއި އާޚިރަތުގައި ލިބިގެންދާނެ ގޮތަށް ޢަމަލުތައް ބެހެއްޓުމުގެ ތައުފީޤް ﷲ ތަޢާލާ އަޅަމެން އެންމެންނަށް ދެއްވެވުމެވެ. އާމީން
