މިބަޔާންކުރަނީ ފަހުޒަމާނުގެ ޢަލާމާތްތަކުގެ ތެރެއިން މިހާރު އެންމެ ބާރަށް ފެތުރި ޢާންމުވަމުން އަންނަ އެއް ޢަލާމާތެވެ. ޙަދީޘްފުޅުން އެނގެން އޮތް ގޮތުގައި:
ﷲ ތައާލާއަށް ތެދުވެރިވެ އިޚްލާޞްތެރިވުން ދޫކޮށްލާނެތެވެ. ﷲ ތައާލާއަށް ތެދުވެރިވެ އިޚްލާޞްތެރިވުން ދުނިޔެއަށްޓަކައި ވިއްކައިލާނެތެވެ. ކިހައިވަރަކަށްކަން ވެސް ވަނީ ބަޔާންކުރައްވަވައިފައެވެ. އެއީ އޭނާ/ އެބައިމީހުންގެ ތަނަވަސްކަން އެބައިމީހުންގެ ޢަދާވާތްތެރިޔާގެ އަތްމައްޗަށް ފުރޮޅި، ޢަދާވާތްތެރިންނަށް ކޮންޓްރޯލް ލިބިގެންދާނެ މިންވަރަށެވެ.
ނިކަން ވިސްނައިލަބަލާށެވެ! މުސްލިމް ޤައުމުތަކުގައި އެޤައުމުތަކުގެ ތަނަވަސްކަމުގައި މިލިއަނުން ބިލިއަނުން ވިޔަފާރިކުރަމުން އެގެންދަނީ ކާފިރުންނެވެ. ކާފިރުން އެދަނީ މުސްލިމުން ދީނާއި ދުރުކުރުވަމުންނެވެ. ނަމަވެސް ކުރެވޭނެ ކަމެއް ނެތެވެ. ހުއްޓުވުމުގެ ބާރެއް ނެތެވެ. ﷲ ތަޢާލާއަށް އިޚްލާޞްތެރިނުވާން ހަދައިގެން މިވަނީ އެކާފިރުންގެ ދަށުވެފައެވެ. ފިތި ބާރުވެފައެވެ.
- ބިލާލް އައްސަދުގެ ދަރުސަކުން
ޔާ ﷲ! އަޅަމެންގެ ޤައުމު މީޙާލަތުން ސަލާމަތްކޮށްދެއްވަވާނދޭވެ! އާމީން
