ކޮންފަދަ ބިރުބޮޑުކަމެއް؟: "ޙައިޟުވެފައިވާ އަންހެނަކާ ޖިމާޢުވުމާ، އަންހެނުންގެ ފުރަގަސްފަރާތް ބޭނުންކުރާ މީހާ މުޙައްމަދުގެ ފާނުގެ މައްޗަށް ބާވާލެއްވުނު ތަކެއްޗަށް ކާފަރުވެއްޖެ!"

އަންހެނެއްގެ ފުރަގަސް ފަރާތް ބޭނުން ކުރުމަށް ޝަރްޢީ ގޮތުން ލިވާޠެއް ނޫނެވެ. އެހެންނަމަވެސް އެއީ ބޮޑުވެގެންވާ ޙަރާމް ކަމެކެވެ. ރަސޫލުﷲ-ޞައްލަﷲ ޢަލައިހި ވަސައްލަމަ- ޙަދީޘް ކުރައްވާފައިވެއެވެ.

(ملعون من أتى امرأة في دبرها)

މާނައަކީ: "އަންހެނެއްގެ ފުރަގަސްފަރާތް ބޭނުން ކުރި މީހަކަށް ލަޢްނަތް ހުއްޓެވެ". އެހެން ޙަދީޘެއްގައި އައިސްފައިވެއެވެ.

(من أتى  حائضا أو امرأة في دبرها  أو كاهنا فقد كفر بما أنزل على محمد)

މާނައަކީ: "ޙައިޟުވެފައިވާ އަންހެނަކާއި ޖިމާޢުވެއްޖެމީހާ އާއި، އަންހެނުންގެ ފުރަގަސްފަރާތް ބޭނުންކޮށްފިމީހާ އާއި، ކާހިނެއްގެ ގާތަށްގޮސްފިމީހާ މުޙައްމަދުގެ ފާނުގެ މައްޗަށް ބާވާލެއްވުނު ތަކެއްޗަށް ކާފަރުވެއްޖެއެވެ". 

- ޑރ. މުޙައްމަދު އިޔާޟް ޢަބްދުއްލަޠީފް