މުއުމިނުންގެ ހިތްތައް މައްކާއާއި ގުޅިފައިވެއެވެ. ޒަމާންތައް ފާއިތުވަމުންދާއިރުވެސް މައްކާގެ ޢިއްޒަތާއި އަމަންއަމާންކަމާއި ހެޔޮކަމާއި ބަރަކާތަށް ބަދަލެއް ނާދެއެވެ.
ނަބީކަމާއި ރަސޫލުކަން ޚަތިމުކުރައްވަން ﷲ ޚިޔާރުކުރެއްވެވި މުހައްމަދު ޞައްލަﷲ ޢަލައިހި ވަސައްލަމް އުފަންވެވަޑައިގަތީ އަދި ޢުމުރުފުޅުގެ ބޮޑުބައި ހޭދަކުރެއްވީ މައްކާގައެވެ. ކުޅަދާނަވެގެންވާ މީހާ ޢުމުރުން އެއްފަހަރު ޙައްޖުކުރުމަކީ އިސްލާމްދީނުގެ ރުކުނެކެވެ.
ޙައްޖުގެ މަޝާޢިރުތައް ހުރީ މައްކާގައެވެ. މުސްލިމުންގެ ޤިބްލައަކީ މައްކާގައިވާ ކަޢްބަތުﷲ ގެފުޅެވެ.
- ޝައިޚް މުޙައްމަދު މަޢޫން ޝަރީފް
