އަހުރެމެން ކީރިތި ޤުރްއާން ކިޔެވިޔަސް ޛިކުރުކުރިޔަސް އަދި ދުޢާކުރިޔަސް އެއަޑު އުޑުތަކުގައިވާ މަލާއިކަތްބޭކަލުންނަށްވެސް އިވިވަޑައިގަންނަވަތެވެ. އަދި ތިބާއަކީ އެކަންކަން އިޚްލާޞްތެރިކަމާއިއެކު ކުރާ މީހަކުނަމަ އެމީހަކަށްޓަކައި މަލާއިކަތުން އުޑުތަކުގައި ތިއްބަވައިގެންވެސް ޝަފާޢަތްތެރިވެވަޑައިގަންނަވާނެތެވެ.
އެކަމަށް ދަލީލު ލިބިގެންދާކަމަކީ:
[ޔޫނުސްގެފާނަށް ޖެހިވަޑައިގެންނެވި ކަންތައްތައް ޖެހިވަޑައިގަތުމަށްފަހު، އެކަލޭގެފާނު އަންނަނިވި ކަލިމަފުޅުތަކުން މަހުގެ ބަނޑުތެރޭގައި އޮންނަވައިގެން ދުޢާފުޅު ކުރެއްވިއެވެ.
[ اللْهُمَّ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ، ހައްދަވާ ބޮޑުކުރެއްވި ރަސްކަލާކޮ! އިބަރަސްކަލާނގެ މެނުވީ، إله އަކު ނެތެވެ. އިބަރަސްކަލާނގެ ހުސްطاهر ވަންތަކަމާއެވެ! ހަމަކަށަވަރުން، އަނިޔާވެރިންގެ ތެރެއިން މި އަޅާވީމެވެ.]
އެކަލޭގެފާނުގެ ދުޢާފުޅުގެ އަޑު ޢަރުޝިފުޅާ ހަމައަށް ފޯރިއެވެ. އެހިނދު މަލާއިކަތް ބޭކަލުން ދެންނެވިއެވެ. [އޭ އަޅަމެންގެ ރައްބެވެ. މިއީ ވަރަށް ދަންނަ ނަމަވެސް ޟަޢީފު އަޑެކެވެ. އެ އަޑުފުޅު އެއިވެނީ ވަރަށް ދުރު ހިސާބަކުންނެވެ.] މާތްﷲ އެންގެވިއެވެ. [ތިޔަބޭކަލުންނަށް އެކަން އެނގިވަޑައިގެންނެވީ ކިހިނެއްތޯއެވެ؟] މަލާއިކަތުން ދެންނެވިއެވެ. [އެއީ ކޮންބޭކަލެއްތޯއެވެ؟] މާތްﷲ އެންގެވިއެވެ. [އެއީ ތިމަންރަސްކަލާނގެ އަޅާ ޔޫނުސްގެފާނެވެ.] މަލާއިކަތުން ދެންނެވިއެވެ. [އިބަ އިލާހުގެ އަޅާ ޔޫނުސްގެފާނުތޯއެވެ؟ އަބަދާ އަބަދު އެބޭކަލެއްގެ ހެޔޮ ޢަމަލުފުޅުތައް އިބައިލާހުގެ ޙަޟުރަތުގައި މަޤުބޫލުވެގެންވާ އަދި އެބޭކަލެއްގެ ދުޢާފުޅު އިޖާބަ ކުރައްވާ ކަލޭގެފާނުތޯއެވެ؟]
އެއަށްފަހު އަލުން އެބޭކަލުން ދެންނެވިއެވެ. [އެކަލޭގެފާނު ހެޔޮ ޙާލުކޮޅުގައި ހުންނެވިއިރު އެކަލޭގެފާނު ކުރެއްވި ހެޔޮ ޢަމަލުތަކަށްޓަކައި، އިބަރަސްކަލާނގެ އެކަލޭގެފާނު މި ދަތި ޙާލުކޮޅު ދުރު ނުކުރައްވާނުތޯއެވެ؟] މާތްﷲ އެންގެވިއެވެ. [އަދި ކީއްހެޔެވެ؟ ތިމަންރަސްކަލާނގެ އެކަލޭގެފާނު އެކަންތައްތަކުން ސަލާމަތް ކުރައްވާނަމެވެ.] ދެން އެކަލާނގެ އެ މަހަށް އަމުރު ކުރެއްވުމުން، އެ މަސް އެކަލޭގެފާނު ހިކިފަސްތަނަކަށް ދޫކޮށްލެއްވިއެވެ.]
{އިބްނު ކަޘީރު، ތަފްސީރު އިބްނު ކަޘީރު، 8 ވަނަ ޖިލްދު، ޞަފްޙާ 288}
ފަށަމުން ބަޔާންކުރި ނިޢުމަތް އެމީހަކަށް ލިބިގެންދާނީ ކޮން ސަބަބަކަށްޓަކައި ކަންވެސް މިބަޔާންކުރި ވާހަކަތަކުން އެނގިގެންދެއެވެ. "އެއަށްފަހު އަލުން އެބޭކަލުން ދެންނެވިއެވެ. [އެކަލޭގެފާނު ހެޔޮ ޙާލުކޮޅުގައި ހުންނެވިއިރު އެކަލޭގެފާނު ކުރެއްވި ހެޔޮ ޢަމަލުތަކަށްޓަކައި، އިބަރަސްކަލާނގެ އެކަލޭގެފާނު މި ދަތި ޙާލުކޮޅު ދުރު ނުކުރައްވާނުތޯއެވެ؟] އޮތުމުންނެވެ.
އެ ސަބަބަކީ [އެކަލޭގެފާނު ހެޔޮ ޙާލުކޮޅުގައި ހުންނެވިއިރު އެކަލޭގެފާނު ކުރެއްވި ހެޔޮ ޢަމަލުތަކަށްޓަކައެވެ." ވީމާ ﷲ ތަޢާލާއަށް އިޚްލާޞްތެރިވެ އަޅުކަންކުރަންވީ، ޤުރްއާން ކިޔަވަންވީ، ޛިކުރުކުރަންވީ އަދި ދުޢާކުރަންވީ ބޭނުމެއް ޖެހުމަކުން ނޫނެވެ. އަބަދުވެސް ތިބެންވީ އެކަންކަން ކުރުންމަތީގައެވެ. އެއިރުން އެމީހަކަށް ބޭނުން ޖެހިގެން ﷲ ތަޢާލާގެ ޙަޟްރަތުގައި ދަންނަވަންޖެހޭ ދުވަހު އެމީހާގެ ބޭނުންތައް އެމީހަކަށް ފުއްދަވައި ދެއްވަވާނެތެވެ. އިން ޝާ ﷲ
