450 މީހުންގެ ޖާގައިގެ އާ މިސްކިތެއް ފުވައްމުލައް ސިޓީގައި ހުޅުވައިފިއެވެ.
މަސްޖިދުލް ހުދާ ގެ ނަން ދީފައިވާ މިމިސްކިތް ރަސްމީކޮށް ހުޅުއްވައި ދެއްވީ އިސްލާމީ މަރުކަޒުގެ އިސް އިމާމު ޝައިޚް މުޙައްމަދު ލަތީފުއެވެ.
ދަޢުލަތުގެ ބަޖެޓުން 8.7 މިލިޔަން ރުފިޔާ ޚަރަދުކޮށްގެން ބިނާކޮށްފައިވާ މި މިސްކިތުގެ މަސައްކަތް ފެށީ 2021 ވަނަ އަހަރުގެ އޮކްޓޫބަރުމަހުއެވެ.
މަލެއްގެ ބައްޓަމަށް ފަރުމާކޮށްފައިވާ މިމިސްކިތުގެ މަސައްކަތް ކޮށްފައިވަނީ އަމީން ކޮންސްޓްރަކްޝަނުންނެވެ.
ފުވައްމުލައް ސިޓީގެ މަސްޖިދުލް ހުދާ މިސްކިތް ހުޅުވުމުގެ ރަސްމިއްޔާތު މިއަދު ބާއްވައިފައިވާއިރު، މި ރަސްމިއްޔާތު ޝަރަފުވެރިކޮށްދެއްވީ މަސްޖިދުލް ސުލްޠާން މުޙައްމަދު ތަކުރުފާނު އަލް އައުޒަމް (އިސްލާމީ މަރުަކަޒު)ގެ އިސް އިމާމް އައްޝައިޚް މުޙައްމަދު ލަތީފެވެ. pic.twitter.com/L2xHJv3gVB
— Ministry of Islamic Affairs (@MVIaffairs) March 7, 2024
