ބިންވެރިޔާ ސްކީމުން ގޯތި ލިބުނު ފަރާތްތަކުގެ ތެރެއިން ގޯތީގެ ލިޔުމާއި ހަވާލުނުވާ ފަރާތްތަކަށް ގޯތީގެ ލިޔުމާ ހަވާލުވާން އިތުރު ފުރުޞަތެއް ދޭން ސަރުކާރުން ނިންމައިފިއެވެ.
ގޯތި ތަކުގެ ލިޔުމާ ހާވާލުވާން އިތުރު ފުރުޞަތެއް ދިނުމުގެގޮތުން ގޯތި ތަކުގެ ލިޔުމާ ހަވާލުވާން މި މަހުގެ 16 އިން 27 ވަނަ ދުވަހުގެ ނިޔަލަށް އަނެއްކާވެސް އިތުރުފުރުޞަތެއް ދޭން ނިންމާފައިވާކަން ގެދޮރުވެރިކަމާއި ބިމާއި އުމްރާނީ ތަރައްޤީއާ ބެހޭ ވުޒާރާއިން ވިދާޅުވިއެވެ.
ބިންވެރިޔާ ސްކީމްގެ ދަށުން ދޫކުރި ގޯތިތަކުގެ އެގްރީމެންޓްގައި ސޮއިކޮށް މިހާތަނަށް 8394 މީހަކު ގޯތީގެ ރަޖިސްޓްރީއާ ވަނީ ހަވާލުވެފައެވެ.
