މ.މުލީގައި ކަރަންޓު ދިނުމަށް ބެހެއްޓިފައި ހުރި 2 ޖަނަރޭޓަރަށް ދިމާވި މައްސަލައަކާއި ގުޅިގެން މުޅި ރަށުން ކަރަންޓުގެ ޙިދުމަތް ކެނޑިފައިވާތީ ކަރަންޓު މައްސަލަ ހައްލުކުރުމަށް 600 ކިލޯވޯޓުގެ ގެ އައު ޖަނަރޭޓަރެއް އިންސްޓޯލްކުރުމުގެ މަސައްކަތް ފެނަކައިން ފަށައިފިއެވެ.
މިކަމާގުޅިގެން ފެނަކައިން ބުނެފައިވަނީ މައްސަލަ ދިމާވި ވަގުތުން ފެށިގެން އެ ކުންފުނީގެ ޓީމުތަކުން މައްސަލަ ހައްލު ކުރުމުގެ މަސައްކަތް ފަށާފައިވާކަމަށާއި މިވަގުތު، އިތުރު 600 ކވ ގެ އައު ޖަނަރޭޓަރެއް ރަށަަށް ގެންގޮސް އިންސްޓޯލްކޮށްގެން ކަރަންޓު ދިނުމަށް މަސައްކަތް ކުރެވެމުންދާ ކަމަށެވެ.
މި ހާލަތުގައި ރައްޔިތުންނަށް ދިމާވާނެ އުނދަގޫތަކަށް ފެނަކައިން ވަނީ މަޢާފަށް އެދިފައެވެ.
