މޯލްޑިވްސް ޓްރާންސްޕޯޓް އެންޑް ކޮންސްޓްރަކްޝަން ކޮމްޕެނީ (އެމް.ޓީ.ސީ.ސީ)ގެ މެނޭޖިންގ ޑިރެކްޓަރުގެ މަޤާމަށް އަލްފާޟިލް އަޙްމަދު ސަޢުދީ ޢައްޔަންކޮށްފިއެވެ. މިކަން ހާމަކޮށްފައިވަނީ ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުން އިއްޔެ ނެރުނު ނޫސްބަޔާނެއްގައެވެ.
އަލްފާޟިލް އަޙްމަދު ސަޢުދީއަކީ މީގެކުރިން ޑެޕިއުޓީ ކޮމިޝަނަރ އޮފް ޕޮލިސްގެ މަޤާމު ފުރުއްވާފައިވާ ބޭފުޅެކެވެ. އެމް.ޓީ.ސީ.ސީގެ މެނޭޖިންގ ޑިރެކްޓަރުގެ މަޤާމަށް އޭނާ ޢައްޔަންކުރެއްވުމާއެކު، އެ ކުންފުނީގެ އެންމެ އިސް ވެރިޔާގެ ޒިންމާ އަދާކުރައްވަމުން ގެންދަވާނެއެވެ.
އެމް.ޓީ.ސީ.ސީއަކީ ދިވެހި ސަރުކާރުގެ ހިއްސާ އޮންނަ ކުންފުންޏެއް ކަމަށްވާތީ، މި މަޤާމަށް ބޭފުޅަކު ޢައްޔަންކުރުމުގެ ބާރު ލިބިގެންވަނީ ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑަށެވެ. އަޙްމަދު ސަޢުދީ މި މަޤާމަށް ޢައްޔަންކުރެއްވުމާއެކު، އެމް.ޓީ.ސީ.ސީގެ ހިންގުމަށް އައު ބަދަލުތަކެއް އަންނާނެކަމަށް ލަފާކުރެވެއެވެ.
އެމް.ޓީ.ސީ.ސީގެ އެމް.ޑީގެ މަޤާމަށް އަޙްމަދު ސަޢުދީ ޢައްޔަންކޮށްފި
