ޤަވާޢިދާ ޚިލާފަށް ރާއްޖޭގައި އުޅޭ ބިދޭސީންގެ މައްސަލަ ހައްލުކުރުމުގެ އޮޕަރޭޝަން އިތުރަށް ފުޅާކުރުމަށް ސަރުކާރުން ނިންމައިފިއެވެ. މިކަން އިއުލާނުކުރެއްވީ ދާޚިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިޙްސާން، ނޫސްވެރިންނާ ބައްދަލުކުރެއްވި ބައްދަލުވުމެއްގައެވެ.
ވަޒީރު އަލީ އިޙްސާން ވިދާޅުވި ގޮތުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ލަފާފުޅާ އެއްގޮތަށް، މި ބޮޑު މައްސަލައަށް އަވަސް ހައްލެއް ހޯދުމަށްޓަކައި ސަރުކާރުގެ އެކި ވުޒާރާތައް ގުޅިގެން މަސައްކަތްކުރާނެއެވެ. މިގޮތުން، އޮޕަރޭޝަން އިތުރަށް ފުޅާކޮށް، އެޗްޕީއޭ، މޯލްޑިވްސް ފުޑް އެންޑް ޑްރަގް އޮތޯރިޓީ އަދި އިޤްތިޞާދީ ތަރައްޤީއާ ބެހޭ ވުޒާރާ ޓާސްކްފޯހުގައި ހިމެނުމަށް ރައީސުލްޖުމްހޫރިއްޔާ ނިންމަވާފައިވެއެވެ.
ވަޒީރު އިތުރަށް ވިދާޅުވި ގޮތުގައި، މީގެ ފަހުން ހިންގޭ ރެއިޑްތަކުގައި މި އިތުރުކުރެވުނު އިދާރާތަކުގެ އޮފިޝަލުން ބައިވެރިވެ، އަޅަންޖެހޭ ފިޔަވަޅުތައް އަޅަމުން ގެންދާނެއެވެ. މީގެ އިތުރުން، އޮޕަރޭޝަން ކުރަނގި ނަމުގައި އައު އޮޕަރޭޝަނެއް ފަށައިފައިވާ ކަމަށާއި، މި އޮޕަރޭޝަނުގެ ދަށުން މީހުން ދިރިއުޅޭ ރަށްރަށާއި، ރިސޯޓުތަކާއި، ސިނާއީ ރަށްތަކާއި، ދަނޑުވެރިކަމަށް ދޫކޮށްފައިވާ ރަށްތަކުގައި ދިރިއުޅޭ ބިދޭސީންގެ މަޢުލޫމާތު އެއްކުރެވޭނެއެވެ.
މި މައްސަލަ ހައްލުކުރުމަށް މުހިންމު ފިޔަވަޅުތަކެއް އެޅުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމެވީ މިއަހަރުގެ ޖުލައި މަހުގައި، ވަޒީރުންގެ މަޖިލީހުގެ ލަފާފުޅާ އެކުގައެވެ. މި ފިޔަވަޅުތަކުގެ ސަބަބުން، ޤަވާޢިދާ ޚިލާފަށް ރާއްޖޭގައި އުޅޭ ބިދޭސީންގެ މައްސަލައަށް އަވަސް ހައްލެއް ލިބޭނެކަމަށް އުންމީދުކުރެވެއެވެ.
ޤަވާޢިދާ ޚިލާފަށް ރާއްޖޭގައި އުޅޭ ބިދޭސީންގެ މައްސަލަ ހައްލުކުރުމުގެ އޮޕަރޭޝަން އިތުރަށް ފުޅާކުރަނީ
