ޔޫއޭއީގެ ރައީސް ޝައިޚް މުޙައްމަދު ބިން ޒައިދު އަލް ނަޙްޔާނަށް ރައިސް ޑރ.މުޢިއްޒު ޚާއްސަ ސިޓީފުޅެއް ފޮނުއްވައިފިއެވެ.
މިސިޓީފުޅު ޝައިޚް މުޙައްމަދު ބިން ޒައިދަށް އެރުވުމަށް އެ ޤައުމުގެ ބޮޑުވަޒީރުގެ ނައިބް އަދި ޚާރިޖީ ވަޒީރާއި ޙަވާލުކޮށްދެއްވީ ޚާރިޖީ ވަޒީރު މޫސާ ޒަމީރު، އެޤައުމަށް މިހާރު ކުރައްވަމުންގެންދަވާ ރަސްމީ ދަތުރުފުޅުގެ ތެރެއިންނެވެ.
ޙާރިޖީ ވަޒީރު އަބޫދާބީއަށް ކުރައްވަމުން ގެންދަވާ ދަތުރުފުޅަކީ ރާއްޖެއާއި އެކުވެރި ޢަރަބި އިމާރާތާ ދެމެދު އޮންނަ ގާތް، ރަޙްމަތްތެރިކަމުގެ ގުޅުން އިތުރަށް ހަރުދަނާކޮށް ބަދަހިކުރުމަށް ކުރައްވާ ދަތުރުފުޅެއްކަމަށް ޚަރިޖީ ވުޒާރައިން ވިދާޅުވެއެވެ.
