ރާއްޖޭގެ ކުނި މެނޭޖްކުރުމުގެ ދާއިރާ ތަރައްޤީކޮށް ދެމެހެއްޓެނިވި ގޮތެއްގައި ޚިދުމަތް ފޯރުކޮށްދިނުމުގެ މަޤްޞަދުގައި، އޭޝިއަން ޑިވެލޮޕްމަންޓް ބޭންކް އަދި ޖަޕާނުގެ އެހީގައި ހިންގާ ގްރޭޓަރ މާލެ އެންވަޔަރަމަންޓަލް އިމްޕްރޫވްމަންޓް އެންޑް ވޭސްޓް މެނޭޖްމަންޓްަންޓް ޕްރޮޖެކްޓްގެ ދަށުން ކުނިއުފުލަން ބޭނުންކުރެވޭ ޑަމްޕް ޓްރަކް ވަނީ ޒޯން 3 (އއ، އދ، ވ، އަަދި ކ) ގެ 18 ރަށަކަށް ދީފިއެވެ.
މީގެ އިތުރުން، ކުނި އެއްކުރަން ބޭނުންކުރާ ބިން އަދި ކުނި ރައްކާތެރި ގޮތުގައި ގުދަންކުރުމަށް ބޭނުންކުރާނެ ބޭލިން މެޝިން ވަނީ 15 ރަށަކާ އެ މިނިސްޓްރީން މިއަދު ހަވާލުކޮށްފައެވެ. މި ތަކެތި އެ ރަށްރަށުގެ ކައުންސިލްތަކާ ހަވާލުކޮށްދެއްވީ ސާފުރާއްޖެ ބިލްޑިންގްގެ ސެމިނަރ ރޫމްގައި މިކަމަށް ބޭއްވި ރަސްމިއްޔާތެއްގައި މިނިސްޓަރ އޮފް ކްލައިމެޓްޗޭންޖް، އެންވަޔަރަމަންޓް އެންޑް އެނާރޖީ އޮނަރަބަލް ޠާރިޤް އިބްރާހިމްއެވެ.
މި ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރ ޠާރިޤް ވަނީ ރާއްޖޭގައި ކުނި އުފައްދާ މިންވަރު އިންތިހާއަށް އިތުރުވަމުން އަންނަކަމުގެ ކަންބޮޑުވުން ފާޅުކުރައްވާފައެވެ. އަދި ކުންޏަކީ ދިވެހިރާއްޖޭގެ ތިމާވެއްޓަށް ދިމާވެފައިވާ އެންމެ ބޮޑު އެއް މައްސަލަކަމުގައިވެސް އެމަނިކުފާނު ވަނީ ފާހަގަކުރައްވާފައެވެ. އެހެންކަމުން، މިއަދު ހަވާލުކުރެވުނު ވަސީލަތްީލަތްތައް ބޭނުންކޮށްގެން ދެމެހެއްޓެނިވި އުސޫލެއްގެ ތެރެއިން ރަށު ފެންވަރުގައި ކުނި މެނޭޖްކުރުމަށް އެމަނިކުފާނު ކައުންސިލްތަކަށް ގޮވާލައްވާފައިވެއެވެ.
މިއަދު ހަވާލުކުރެވުނު ވަސީލަތްތަކަކީ ކުނި މެނޭޖްކުރުމުގެ ޤާނޫނާއި މަގޭ ސާފު ރާއްޖެ ސިޔާސަތާއި ސްޓްރެޓެޖީތަކާ އެއްގޮތްވާ ގޮތުގެ މަތިން ރާއްޖޭގެ ހުރިހާ ކަންކޮޅުތަކެއްގައި ޒަމާނީ ފެންވަރަކަށް ކުނި މެނޭޖްކުރުމުގެ ވަކި މިންގަނޑަކަށް ފެއްތުމުގެ ދަށުން ސަރުކާރުން ކުރަމުންދާ މަސައްކަތުގެ ތެރެއިން ހަވާލުކުރެވުނު ވަސީލަތްތަކެކެވެ.
މި ރަސްމިއްޔާތުގޔާތުގައި އެ ކައުންސިލްތަކުގެ ރައީސުންނާއި ނައިބު ރައީސުން އަދި ކައުންސިލަރުންގެ އިތުރުން ރައްޔިތުންގެ މަޖިލީހުގެ ބައެއް އިއްޒަތްތެރިންނާއި ވެމްކޯގެ ބައެއް އިސް ބޭފުޅުންވެސް ބައިވެރިވެ ވަޑައިގެންފައިގެންފައިވެއެވެ.
މި މަޝްރޫޢުގެ ދަށުން ހަވާލުކުރެވުނު ވަސީލަތްތަކަކީ ރަށްރަށުގައި ކުނި މެނޭޖްކުރުމުގެ ނިޒާމު ހަރުދަނާކޮށް، ކުނި އުކާލުމުގެ މަސައްކަތް ފަސޭހަކަމާއެކު ކުރިއަށް ގެންދިއުމަށް އެހީތެރިވެދޭނެ މުހިންމު ވަސީލަތްތަކެކެވެ. މި ވަސީލަތްތަކުގެ ބޭނުން އެންމެ ފުރިހަމަ ގޮތުގައި ހިފުމަށް ކައުންސިލްތަކަށް ގޮވާލާފައިވާއިރު، މިކަމުގެ ސަބަބުން ރަށްރަށުގެ ތިމާވެށި ސާފުތާހިރުކޮށް ބެލެހެއްޓުމަށް ބޮޑު އެހީތެރިކަމެއް ލިބިގެންދާނެކަމަށް އުންމީދު ކުރެވެއެވެ.
މިނިސްޓްރީން މަޢުލޫމާތު ދެއްވާފައިވާ ގޮތުގައި، މި މަޝްރޫޢުގެ ދަށުން ކުރިއަށް އޮތް ތަނުގައި އިތުރު ރަށްރަށަށްވެސް މިފަދަ ވަސީލަތްތައް ފޯރުކޮށްދިނުމަށް ވަނީ ރޭވިފައެވެ. މިއީ ރާއްޖޭގެ ކުނި މެނޭޖްކުރުމުގެ ނިޒާމު ހަރުދަނާކޮށް، ތިމާވެށި ރައްކާތެރިކުރުމަށް ސަރުކާރުން ކުރަމުންދާ މަސައްކަތްތަކުގެ ތެރެއިން އެޅޭ މުހިންމު ފިޔަވަޅެއްކަމަށް ބެލެވެއެވެ.
މި މަޝްރޫޢުގެ ސަބަބުން ރަށްރަށުގެ ކުނި މެނޭޖްކުރުމުގެ ނިޒާމަށް އަންނާނެ ކުރިއެރުމާއެކު، ރަށްރަށުގެ ސާފުތާހިރުކަން އިތުރުވެ، ރައްޔިތުންގެ ދިރިއުޅުމުގެ ފެންވަރު މަތިވެގެންދާނެކަމަށް އުންމީދު ކުރެވެއެވެއެވެ. އަދި މިކަމުގެ ސަބަބުން ރާއްޖޭގެ ތިމާވެށި ރައްކާތެރިކުރުމަށް ކުރެވޭ މަސައްކަތްތައް އިތުރަށް ހަރުދަނާވެގެންދާނެކަމަށްވެސް ބެލެވެއެވެ.
