ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) ގެ މުވައްޒަފުން އަމިއްލައަށް އެ ކުންފުނީގެ ބިޒްނަސް ސެންޓަރުގެ މަސައްކަތް ކުރުމުން 13 މިލިއަން ރުފިޔާ ސަލާމަތްކުރެވިފައިވާ ކަމަށް ސްޓެލްކޯގެ މެނޭޖިން ޑިރެކްޓަރ ހުސައިން ފަހުމީ ވިދާޅުވެއްޖެއެވެ.
މިކަމާ ގުޅޭގޮތުން ސޯޝަލް މީޑިއާގައި ކުރެއްވި ޕޯސްޓެއްގައި ފަހުމީ ވިދާޅުވެފައިވަނީ، ރައީސުލްޖުމްހޫރިއްޔާ މުޙައްމަދު މުޢިއްޒުގެ ލީޑަރޝިޕްގެ ދަށުން، ސްޓެލްކޯ މޯލްޑިވްސްގެ ބިޒްނަސް ސެންޓަރުގެ މަސައްކަތް ނިމުމަކާ ކައިރިވެފައިވާ ކަމަށެވެ.
Under the visionary leadership of His Excellency President @MMuizzu , the @STELCOMALDIVES Business Centre is nearing completion. This two-story, 7,500-square-foot building, constructed by our dedicated Stelco staff, stands as a testament to their hard work and expertise. Thanks… pic.twitter.com/M9MwBM4C7V
— Hussain Fahmy (@HussainFahmy09) October 17, 2024
ފަހުމީ އިތުރަށް ވިދާޅުވެފައިވަނީ، މި އިމާރާތަކީ 7,500 އަކަފޫޓުގެ ބޮޑުމިނުގެ ދެ ބުރީގެ އިމާރާތެއް ކަމަށާއި، މި އިމާރާތް ކޮށްފައިވަނީ ސްޓެލްކޯގެ މުވައްޒަފުން އަމިއްލައަށް ކަމަށެވެ. މި މަޝްރޫޢު ބީލަމަށް ދިޔަނަމަ ހޭދަވީސް ކަމަށް ލަފާކުރެވޭ 13 މިލިއަން ރުފިޔާ ސަލާމަތްކުރެވިފައިވާ ކަމަށްވެސް ފަހުމީ ވިދާޅުވިއެވެ.
މި ސެންޓަރުގައި އިންޖީނުތަކާއި، ޓްރާންސްފޯމަރުތަކާއި، ކޭބަލްތަކާއި، އަދި އާ އަދި އިއާދަކުރަނިވި ހަކަތައަށް ބޭނުންވާ ފުރިހަމަ ހައްލުތައް ފޯރުކޮށްދޭނެ ކަމަށް ފަހުމީ ވިދާޅުވިއެވެ. މީގެ އިތުރުން، ސްޓޯރޭޖް ސިސްޓަމްތައްވެސް މި ސެންޓަރުގައި ހިމެނޭނެ ކަމަށާއި، މިއީ ދިވެހިރާއްޖެއަށް ދިމާވެދާނެ ކުއްލި ހާލަތްތަކަށް ރަނގަޅަށް ތައްޔާރުވުމަށް ކުރެވޭ ކަމެއް ކަމަ ކަމަށްވެސް އޭނާ ވިދާޅުވިއެވެ.
ފަހުމީ އިތުރަށް ވިދާޅުވެފައިވަނީ، މި ކުރިއެރުމަކީ ރައީސް ޑރ. މުޢިއްޒު ޤައުމަށް ވަރުގަދަ އަދި ރައްކާތެރި ހަކަތައިގެ މުސްތަޤުބަލެއް ގެނެސްދިނުމަށް ކުރައްވާފައިވާ ވަޢުދާ އެއްގޮތަށް ކުރެވިފައިވާ ކަމެއް ކަމަށެވެ.
