މަސްތުވާތަކެތީގެ ވިޔަފާރިކުރި 4 މީހަކު 25 އަހަރަށް ޖަލަށްލުމަށް ކްރިމިނަލް ކޯޓުން މިއަދު ޙުކުމްކޮށްފިއެވެ. މި މައްސަލައިގައި ޙުކުމްކުރެވުނު މީހުންނަކީ ޙަސަން ލޫޠު، ޙަސަން ރަޝީދު، އިސްމާޢީލް ޝަރީފް އަދި ޝާނިޔާ އިބްރާހިމްއެވެ.
ކްރިމިނަލް ކޯޓުން މަޢުލޫމާތު ދެއްވިގޮތުގައި، މި 4 މީހުން ހައްޔަރުކުރެވުނީ 2021 ވަނަ އަހަރުގެ ޖަނަވަރީ 12 ވަނަ ދުވަހު ހިންގުނު އޮޕަރޭޝަނެއްގައެވެ. މި އޮޕަރޭޝަނުގައި މާލޭގެ 4 ތަނަކުން 54 ގްރާމް ޑައިމޯފިން އަދި 266 ގްރާމް ކެނަބިސް ފެނިފައިވެއެވެ.
ޖަލު ޙުކުމުގެ އިތުރުން، މި 4 މީހުން ވަނީ 500,000 ރުފިޔާއިން 2 މިލިއަން ރުފިޔާއާ ދެމެދުގެ އަދަދަކުން ޖޫރިމަނާ ކޮށްފައެވެ. އަދި 1.5 މިލިއަނަށްވުރެ ގިނަ ރުފިޔާ ހޯދިފައިވަނީ ކުށްކޮށްގެން ކަމަށް ކަނޑައަޅައި، އެ ފައިސާ ދައުލަތަށް ނެގުމަށްވެސް ވަނީ ޙުކުމްކުރެވިފައެވެ.
މަސްތުވާތަކެތީގެ ވިޔަފާރިކުރި 4 މީހަކު 25 އަހަރަށް ޖަލަށްލުމަށް ކްރިމިނަލް ކޯޓުން ޙުކުމްކޮށްފި
