މިދިޔަ އަހަރުތަކުގައި ދައުލަތުގެ ޚަރަދު ރެކޯޑުކުރުމުގައި ސީރިއަސް އަދި ޤާނޫނާ ފުށުއަރާ މައްސަލަތަކެއް ހުރިކަމަށް މާލީ ވަޒީރު މޫސާ ޒަމީރު ވިދާޅުވެއްޖެއެވެ. މި މައްސަލަތަކުގެ ސަބަބުން "ވީކްލީ ފިސްކަލް ޑިވެލޮޕްމަންޓްސް" އާންމުކުރުން ވަނީ މަޑުޖައްސާލާފައިކަމަށް ވަޒީރު ހާމަކުރެއްވިއެވެ.
ވަޒީރު ޒަމީރު ދެއްވި މަޢުލޫމާތުގައި، މިއަހަރުގެ ބަޖެޓުން 2.5 ބިލިއަން ރުފިޔާގެ ބިލުތަކަށް ޖާގަ ދޭންޖެހޭ ކަމަށާއި، އިތުރު ބިލުތައް ހުރެދާނެތީ އޮޑިޓަރ ޖެނެރަލްގެ އޮފީހުގައި ބެލުމަށް އެދިފައިވާ ކަމަށް ވިދާޅުވިއެވެ. އަދި މިދިޔަ އަހަރު ޕޯސްޓްކޮށްފައިވާ 3 ބިލިއަން ރުފިޔާ މިއަހަރުގެ ކޭޝްފްލޯއިން އަދާކޮށްފައިވާ ކަމަށްވެސް ވަޒީރު ފާހަގަކުރެއްވިއެވެ.
"މިއީ ޤާނޫނާއި ގަވާއިދާ ޚިލާފު ކަންތައްތަކެއް," ވަޒީރު ޒަމީރު ވިދާޅުވިއެވެ. "މިފަދަ ޚަރަދުތައް ރެކޯޑުކުރުމުގައި ހުރި މައްސަލަތަކަކީ ދައުލަތުގެ މާލީ ހާލަތު ދެނެގަތުމަށް ހުރަސްއެޅޭ ކަމެއް."
މި މައްސަލަތަކާ ގުޅިގެން ސަރުކާރުން އަޅަން ގަސްދުކުރާ ފިޔަވަޅުތަކާ ބެހޭގޮތުން ވަޒީރު އިތުރު ތަފްސީލެއް ހާމަނުކުރެއްވި ނަމަވެސް، މި މައްސަލަތައް ޙައްލުކުރުމަށް މަސައްކަތްކުރަމުންދާ ކަމަށް ވިދާޅުވިއެވެ. އަދި ކުރިއަށް އޮތް ތަނުގައި ދައުލަތުގެ ޚަރަދުތައް ހަރުދަނާކޮށް، ޤާނޫނާއި ގަވާއިދާ އެއްގޮތަށް ރެކޯޑުކުރެވޭނެ ނިޒާމެއް ޤާއިމުކުރުމަށް އިސްކަންދޭނެ ކަމަށްވެސް ވަޒީރު ވިދާޅުވިއެވެ.
ދައުލަތުގެ ޚަރަދު ރެކޯޑުކުރުމުގައި ސީރިއަސް އަދި ޤާނޫނާ ފުށުއަރާ މައްސަލަތަކެއް ހުރިކަމަށް މާލީ ވަޒީރު ހާމަކުރައްވައިފި
