ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން އަންހެނުންނަށް ޚާއްސަކޮށްގެން "ބިގިނަރސް އިލެކްޓްރީޝަން ކޯސް ފޯރ ވިމެން" ގެ ނަމުގައި ކޯހެއް ފެށުމަށް ތައްޔާރުވަމުންދާ ކަމަށް އެ ކުންފުނިން މިއަދު ހާމަކޮށްފިއެވެ.
މި ކޯހަކީ އިލެކްލެކްޓްރިކަލް ދާއިރާއަށް އަންހެނުން ޝައުގުވެރިކުރުވައި، އެ ދާއިރާގައި ފިރިހެނުންނާ އެއް ހަމައެއްގައި މަސައްކަތްކުރުމުގެ ފުރުސަތު ފަހިކޮށްދިނުމަށްޓަކައި ހިންގޭ ކޯހެކެވެ. މި ކޯހުގައި ކަރަންޓާ ގުޅޭ އަސާސީ ކަންކަން ކިޔަވައިދޭނެ ކަމަށް ސްޓެލްކޯއިން ބުނެފައިވެއެވެ.
ސްޓެލްކޯއިން އިތުރަށް ހާމަކުރި ގޮތުގައި މި ކޯހުގައި ރައްކާތެރިގޮތުގައި ކަރަންޓު ބޭނުންކުރުމާއި، ކަރަންޓަށް ކުރާ ޚަރަދު ކުޑަކުރުމުގެ އިތުރުން، ކަރަންޓު ވަޔަރުކުރުމުގެ އަސާސީ މަޢުލޫމާތު ކިޔަވައިދިނުމަށް ވަނީ ހަމަޖެހިފައެވެ.
މި ކޯހުގައި ބައިވެރިވުމުގެ ފުރުސަތު މިހާރު ވަނީ ހުޅުވާލެވިފައެވެ. އަދި ކޯހުގައި ބައިވެރިވުމަށް އެއްވެސް ފީއެއް ނުނަގާނެ ކަމަކަށް ސްޓެލްކޯއިން ވަނީ ބުނެފައެވެ.
މި ކޯސް ފެށުމުގެ މަޤްޞަދަކީ އިލެކްޓްރިކަލް ދާއިރާގައި އަންހެނުންގެ ދައުރު އިތުރުކޮށް، އެ ދާއިރާގައި ހަމަހަމަކަން ގާއިމުކުރުން ކަމަށް ބެލެވެއެވެ. މި ކޯހުން އަންހެނުންނަށް އިލެކްޓްރިކަލް ދާއިރާއިން ވަޒީފާގެ އިތުރު ފުރުސަތުތަކެއް ހުޅުވިގެންދާނެ ކަމަށްވެސް ލަފާކުރެވެއެވެ.
