ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު 36 ވަނަ ނަޞްރުގެ ދުވަހުގެ ތަހުނިޔާ ރައްޔިތުންނަށް ފޮނުއްވައިފިއެވެ. މީސްމީޑިއާގައި ޕޯސްޓްކުރެއްވި ޅެން ބައިތުތަކެއްގައި ރައީސް މުޢިއްޒު ވަނީ ދިވެހިންގެ ހިތްވަރާއި އަޒުމް ފާހަގަކުރައްވާ، ޤައުމު ދިފާޢުކުރުމަށް ޝަހީދުވި ފަރާތްތަކަށް ޝުކުރު އަދާކުރައްވާފައެވެ.
1988 ވަނަ އަހަރުގެ ނޮވެމްބަރު 3 ވަނަ ދުވަހު ހިނގި ޢުދުވާނީ ހަމަލާގައި 19 ދިވެހިން ޝަހީދުވިއެވެ. މީގެ ތެރޭގައި ހިމެނެނީ 11 މަދަނީ ރައްޔިތުންނާއި 8 ސިފައިންނެވެ. މި ހަމަލާއިން ދިވެހިރާއްޖެ ސަލާމަތްވި ދުވަހުގެ ގޮތުގައި ކޮންމެ އަހަރެއްގެ ނޮވެމްބަރު 3 ވަނަ ދުވަހު ނަޞްރުގެ ދުވަސް ފާހަގަކުރެއެވެ.
ރައީސް މުޢިއްޒުގެ މެސެޖުގައި ވަނީ އެ ދުވަހު ޤައުމު ސަލާމަތްކުރުމަށް ކުރެވުނު މަސައްކަތްތަކާއި، އެ ދުވަހު ޝަހީދުވި ފަރާތްތަކުގެ ޤުރުބާނީ ފާހަގަކުރައްވާފައެވެ. އަދި ޤައުމީ ސަލާމަތާއި ރައްކާތެރިކަމަށްޓަކައި އަބަދުވެސް ވިސްނަންޖެހޭނެ ކަމަށް ރައްޔިތުންނަށް އިލްތިމާސްކުރައްވާފައިވެއެވެ.
މިއަދަކީ 36 ވަނަ ނަޞްރުގެ ދުވަސް ކަމަށްވާއިރު، މުޅި ޤައުމުގައި މި ދުވަސް ފާހަގަކުރުމުގެ ގޮތުން އެކި ހަރަކާތްތައް ކުރިއަށްދާނެއެވެ. މީގެ ތެރޭގައި ޝަހީދުންގެ ޔާދެ ޔާދުގާރުގައި ޚާއްޞަ ރަސްމިއްޔާތެއް ބޭއްވުމާއި، ސްކޫލްތަކުގައި ޚާއްޞަ އެސެމްބްލީތައް ބޭއްވުން ހިމެނެއެވެ.
ރައީސް ޑރމުޢިއްޒު ނަޞްރުގެ ދުވަހުގެ ތަހުނިޔާ ފޮނުއްވައިފި
