އަންނަ އަހަރުގެ ދައުލަތުގެ ބަޖެޓަށް އާމްދަނީ އިތުރުކުރުމަށް އައު ގޮތްތައް ހޯދާފައިވާ ކަމަށާއި، އެކަންކަން ތަންފީޒުކުރާނީ ރައްޔިތުންނަށް ބުރަ ނުވާނެ ގޮތަށް ކަމަށް މާލީ ވަޒީރުގެ ނައިބު އަހުމަދު ސާއިދު މުސްތަފާ ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން އަހުމަދު ސާއިދު ވިދާޅުވީ، އަންނަ އަހަރުގެ ބަޖެޓަކީ އިންޓަނޭޝަނަލް މަނިޓަރީ ފަންޑް (އައިއެމްއެފް)ގެ އުސޫލުތަކާ އެއްގޮތަށް ތައްޔާރުކުރެވުނު ފުރަތަމަ ބަޖެޓް ކަމަށެވެ. އަދި މިއީ އައިއެމްއެފްގެ ގަވަރމަންޓް ފައިނޭންސް ސްޓެޓިސްޓިކްސްއާ އެއްގޮތަށް ތައްޔާރުކުރެވުނު ފުރަތަމަ ބަޖެޓް ވެސް ކަމަށް އޭނާ ފާހަގަކުރެއްވިއެވެ.
"އަޅުގަނޑުމެން މަސައްކަތް ކުރަނީ ޚަރަދުތައް ކޮންޓްރޯލްކޮށް، ރައްޔިތުންނަށް އެންމެ ފައިދާވާ ގޮތަށް ބަޖެޓް ބައްޓަންކުރުމަށް. އަދި ރައީސުލްޖުމްހޫރިއްޔާގެ ހުއްދައާއެކު ޚަރަދު ކުޑަކުރުމުގެ ފިޔަވަޅުތައް އެޅޭނެ," އަހުމަދު ސާއިދު ވިދާޅުވިއެވެ.
އޭނާ އިތުރަށް ވިދާޅުވީ، އިޖްތިމާއީ އަދާލަތަށް އިސްކަންދީގެން ޚަރަދުތައް ކުޑަކުރެވޭނެ ކަމަށާއި، މިގޮތުން އަންނަ އަހަރު 7 ބިލިއަނެއްހާ ރުފިޔާ ސަލާމަތްކުރެވޭނެ ކަމަށް ލަފާކުރެވޭ ކަމަށެވެ.
މާލީ ވަޒީރުގެ ނައިބު އަހުމަދު ސާއިދު ވިދާޅުވީ، ދައުލަތުގެ އާމްދަނީ އިތުރުކުރުމަށް އައު ގޮތްތައް ހޯދާފައިވާ ކަމަށާއި، ނަމަވެސް މިކަންކަން ތަންފީޒުކުރާނީ ރައްޔިތުންނަށް ބުރަ ނުވާނެ ގޮތަށް ކަމަށެވެ. އަދި މި ބަޖެޓަކީ ރާއްޖޭގެ އިޤްތިޞާދީ ހާލަތު ރަނގަޅުކުރުމަށް މުހިންމު ފިޔަވަޅެއް ކަމުގައި އޭނާ ފާހަގަކުރެއްވިއެވެ.
އަންނަ އަހަރުގެ ބަޖެޓަށް އާމްދަނީ އިތުރުކުރަން އައު ގޮތްތައް ހޯދާފައިވާނެ! އެކަންކަން ތަންފީޒުކުރާނީ ރައްޔިތުންނަށް ބުރަ ނުވާނެ ގޮތަށް!: އަހްމަދު ސާއިދު
