މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން މިއަދު ހާމަކުރި ގޮތުގައި ޏ. ފުވައްމުލަކު ބްމުލަކު ބޭރުގައި އިތުރު ދޮށީ ކަނދުފައްޗެއް އަޅައިފިއެވެ. މި ކަނދުފަތި އަޅާފައިވަނީ ފުވައްމުލަކުގެ އިރު ދެކުނުން 11 މޭލު ބޭރުގައެވެ. އަދި މި ކަނދުފަތީގެ ނަންބަރަކީ R10D01 ކަމަށް އެ ވުޒާރާއިން ބުނެފައިވެއެވެ.
މި ކަނދުފަތި އެޅުމުގެ މަޤްޞަދަކީ އެ ސަރަޙައްދުގެ މަސްވެރިންނަށް މަސްވެރިކަމުގެ ފުރުޞަތުތައް އިތުރުކޮށްދިނުމާއި، މަސްވެރިކަމުގެ ދާއިރާ ތަރައްޤީކުރުން ކަމަށް ބެލެވެއެވެ.
މީގެ އިތުރުން، ސަރުކާރުން ދަނީ ރާއްޖޭގެ އެކި ހިސާބުތަކުގައި ކަނދުފަތިތައް ޤާއިމުކުރަމުންނެވެ. މިގޮތުން މިދިޔަ ހަފްތާގައި ވަނީ ލ. ހިތަދޫ އިރުދެކުނުން 12 މޭލު ބޭރުގައި އަދި ފ. ހިމަންދޫގެ ހުޅަނގުން 28 މޭލު ބޭރުގައި ކަނދުފަތި ޤާއިމުކޮށްފައެވެ.
މި މަޝްރޫޢުގެ ދަށުން ރާއްޖޭގެ އެކި ކަންކޮޅުތަކުގައި ކަނދުފަތިތައް އެޅުމަކީ މަސްވެރިކަމުގެ ދާއިރާ ކުރިއެރުވުމަށް ސަރުކާރުން ކުރަމުންދާ މަސައްކަތްތަކުގެ ތެރެއިން އެއް މަސައްކަތް ކަމަށް ފާހަގަކުރެވެއެވެ. މި ކަނދުފަތިތަކުގެ ސަބަބުން މަސްވެރިންނަށް ފަސޭހައިން މަސް ހޯދުމަށް މަގުފަހިވެ، މަސްވެރިކަމުގެ އުފެއްދުންތެރިކަން އިތުރުވާނެ ކަމަށް އުންމީދުކުރެވެއެވެ.
ފުވައްމުލަކު ބޭރުގައި އިތުރު ދޮށީ ކަނދުފައްޗެއް އަޅައިފި
