ފަތުރުވެރިކަމުގެ ވުޒާރާއިން މާދަމާ ހުޅުމާލޭ ފޭސް 1 ގައި ޢާއިލީ ހަވީރެއް ބޭއްވުމަށް ހަމަޖެހިފައިވާ ކަމަށް އެ ވުޒާރާއިން މިއަދު ހާމަކޮށްފިއެވެ. މި ހަވީރަކީ ވޭތުވެދިޔަ އަހަރު ވުޒާރާއިން ހާސިލުކުރި ކާމިޔާބީތައް ފާހަގަކުރުމަށް ބޭއްވޭ ހަވީރެކެވެ.
ވުޒާރާގެ ބަޔާނެއްގައި ބުނެފައިވާ ގޮތުގައި މި ހަވީރު އޮންނާނީ ހުކުރު ދުވަހު ހަވީރު 4:00 އިން 6:00 އަށެވެ. މި ހަވީރުގެ ތީމަކީ ގުދުރަތީ ވެއްޓާއި ކަނޑެވެ. އަދި މި ހަވީރުގައި ކުރެހުމާއި، ކްރާފްޓް، އަދި ކުޅިވަރު ހަރަކާތްތައް ހިމެނޭ ކަމަށް ވުޒާރާއިން ބުނެފައިވެއެވެ.
މި ހަވީރަކީ އާންމުކޮށް ހުރިހާ އާއިލާތަކަށް ހުޅުވާލެވިފައިވާ ހަވީރެއް ކަމަށާއި، ޚާއްޞަކޮށް ކުޑަކުދިންނަށް އަމާޒުކޮށްގެން ގިނަ ހަރަކާތްތަކެއް ރޭވިފައިވާ ކަމަށް ވުޒާރާއިން ބުނެފައިވެއެވެ.
ފަތުރުވެރިކަމުގެ ވުޒާރާއިން ޢާއިލީ ހަވީރެއް މާދަމާ ބާއްވަނީ
