ރާއްޖޭގެ އިޤްތިޞާދު ކުރިއެރުވުމުގައި ޑިވެލޮޕްމެންޓް ބޭންކު އޮފް މޯލްޑިވްސް (ޑީބީއެމް) އިން މުހިންމު ދައުރެއް އަދާކުރާނެ ކަމަށް އެ ބޭންކުގެ ސީއީއޯ ނޮއެލް ގްރެގަރ ޕެޓަރސަން-ޖޯންސް ވިދާޅުވެއްޖެއެވެ.
ޑީބީއެމް ރަސްމީކޮށް އިފްތިތާޙުކުރުމަށް މިއަދު ބޭއްވުނު ހަފްލާގައި ވާހަކަފުޅު ދައްކަވަމުން ސީއީއޯ ޕެޓަރސަން-ޖޯންސް ވިދާޅުވީ، މި ބޭންކުގެ ސަބަބުން ރާއްޖެއަށް ދިމާވެފައިވާ މާލީ ދަތިތަކާއި އިންވެސްޓްމެންޓް މަދުވުމުގެ މައްސަލަތައް ޙައްލުކުރެވޭނެ ކަމަށެވެ.
"އަޅުގަނޑުމެންގެ މަޤްޞަދަކީ 2040 އަށް ރާއްޖެ ތަރައްޤީވެފައިވާ ޤައުމަކަށް ހެދުމުގެ ވިޝަން ޙާޞިލުކުރުމަށް އެހީތެރިވުމެވެ. މިގޮތުން ތަރައްޤީގެ މަޝްރޫޢުތަކަށް އިންވެސްޓްމެންޓް ހޯދައިދީ، ކުދި އަދި މެދު ފަންތީގެ ވިޔަފާރިތަކަށް އެހީތެރިވާނަމެވެ،" ޕެޓަރސަން-ޖޯންސް ވިދާޅުވިއެވެ.
ޑީބީއެމްއަކީ ދެމެހެއްޓެނިވި އިޤްތިޞާދީ އަދި އިޖުތިމާޢީ ތަރައްޤީއަށް މަގުފަހިކުރުމަށް އުފައްދާފައިވާ ބޭންކެކެވެ. މި ބޭންކުގެ ޚިދުމަތްތަކުގެ ސަބަބުން ރާއްޖޭގެ އިޤްތިޞާދަށް އައު ހަކަތައެއް ލިބި، ވިޔަފާރިތަކަށް އިތުރު ފުރުޞަތުތަކެއް ހުޅުވިގެންދާނެ ކަމަށް ބެލެވެއެވެ.
ރާއްޖޭގެ އިޤްތިޞާދު ކުރިއެރުވުމުގައި ޑީބީއެމްއިން މުހިންމު ދައުރެއް އަދާކުރާނެދާކުރާނެ: ސީއީއޯ
