އަންނަ އަހަރަކީ ރައްޔިތުންނަށް ފެންނަ ތަރައްޤީގެ އަހަރަކަށް ވާނެ ކަމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރަށް 1 އަހަރު ފުރުމާ ގުޅިގެން ޕީއެސްއެމް ނިއުސްއިން ގެނެސްދިން "ހަފްތާ 52" ޕްރޮގްރާމުގައި ވާހަކަފުޅު ދައްކަވަމުން މަޖިލީހުގެ ރައީސް އަބްދުއްރަހީމް ވިދާޅުވީ ފާއިތުވި އަހަރު ރައީސް މުއިއްޒު ބޮޑެތި ކާމިޔާބީތައް ހޯއްދެވި ކަމަށެވެ.
"ފައިސާ ޗާޕުކުރުން ހުއްޓާލުމަކީ ބޮޑު ކާމިޔާބީއެއް. އަދި ބޭރު ސިފައިން ފޮނުވާލައި، ޚާރިޖީ ސިރިޖީ ސިޔާސަތު ރަނގަޅަށް ބައްޓަންކުރެވުނު. މީގެ އިތުރުން އަމާން ވެއްޓެއް ޤާއިމުކުރުމުގެ ވައުދު ފުއްދެވި،" މަޖިލީހުގެ ރައީސް ވިދާޅުވިއެވެ.
އަބްދުއްރަހީމް އިތުރަށް ވިދާޅުވީ މަޖިލީހުގެ ދައުރު މުހިންމު ކަމަށާއި، ސަރުކާރަށް ޖެއްސުން ނުކުރާނެ ކަމަށެވެ. ނަމަވެސް ފާޑުކިޔުމަކީ ކަންބޮޑުވާ ކަމެއް ނޫން ކަމަށް އެމަނިކުފާނު ވިދާޅުވިއެވެ.
"މި ސަރުކާރު ކާމިޔާބު ކުރުމަށް އަޅުގަނޑުމެން މަސައްކަތްކުރާނަން. އަޅުގަނޑު ޔަޤީންކުރަން އަންނަ އަހަރަކީ ރައްޔިތުންނަށް ފެންނަ ތަރައްޤީގެ އަހަރަކަށް ވާނެ ކަން،" މަޖިލީހުގެ ރައީސް ވިދާޅުވިއެވެ.
މި ޕްރޮގްރާމްގައި ސަރުކާރުގެ އެހެން އިސް ބޭފުޅުންވެސް ބައިވެރިވެ ވަޑައިގެން ސަރުކާރުގެ އެއް އަހަރުގެ ކާމިޔާބީތަކާ ބެހޭ ގޮތުން ވާހަކަފުޅު ދެއްކެވިއެވެ.
އަންނަ އަހަރަކީ ރައްޔިތުންނަށް ފެންނަ ތަރައްޤީގެ އަހަރަކަށް ވާނެ: އަބްދުއްރަހީމް
