ގެދޮރުވެރިކަމާއި ބިމާއި އުމްރާނީ ތަރައްޤީއާ ބެހޭ ވަޒީރު ޑރ. ޢަލީ ހައިދަރު އަޙްމަދު ވިދާޅުވެއްޖެ، "ހިޔާވެހި ފައިނޭންސިން" ސްކީމަށް ކުރިމަތިލުމުގެ ފުރުޞަތު ހަމަވާތާ 3 މަސް ތެރޭ ލޯނު ދޫކުރަން ފަށާނެ ކަމަށް. މި ސްކީމަށް އެދެވޭނީ 8 އޭޕްރީލް 2025 އާ ހަމައަށް ކަމަށް ވަޒީރު ހާމަކުރެއްވިއެވެ.
ވަޒީރު އިތުރަށް ވިދާޅުވި ގޮތުގައި މި ސްކީމުގައި 3 ބާވަތެއް ހިމެނެއެވެ. އެގޮތުން އަތޮޅުތަކަށް 1 މިލިއަން ރުފިޔާއާ ހަމައަށް، އާބަން ސެންޓަރުތަކަށް 3 މިލިއަން ރުފިޔާއާ ހަމައަށް، އަދި މާލެއަށް 6-10 މިލިއަން ރުފިޔާަން ރުފިޔާއާ ދެމެދުގެ ލޯނު ދޫކުރެވޭނެއެވެ.
މި ސްކީމުގެ ދަށުން ސަރުކާރުން 1 ބިލިއަން ރުފިޔާ އިންވެސްޓްކުރުމާއެކު، ޖުމްލަ 2 ބިލިއަން ރުފިޔާގެ ފައިނޭންސް ދޫކުރެވޭނެ ކަމަށް ވަޒީރު ވިދާޅުވިއެވެ. އަދި ލޯނު އަނބުރާ ދައްކަންޖެހޭނީ 25 އަހަރުގެ ތެރޭގައި ކަމަށްވެސް އެމަނިކުފާނު ހާމަކުރެއްވިއެވެ.
ވަޒީރު އިތުރަށް ވިދާޅުވީ، 2028 ގެ ނިޔަލަށް ހުރިހާ ރައްޔިތުންނަށް ބޯހިޔާވަހިކަމުގެ ފުރުޞަތު ލިބޭނެކަމަށް ސަރުކާރުން ޔަޤީންކަން ދެއްވާފައިވާ ކަމަށެވެ. މި ސްކީމަކީ އެ މަޤްޞަދު ހާސިލުކުރުމަށް އެޅޭ މުހިންމު ފިޔަވަޅެއް ކަމުގައި ވަޒީރު ފާހަގަކުރެއްވިއެވެ.
"ހިޔާވެހި ފައިނޭންސިން" ސްކީމަކީ ރާއްޖޭގެ ގެދޮރުވެރިކަމުގެ ދަތިކަން ޙައްލުކުރުމަށް ސަރުކާރުން ތަޢާރަފުކުރާ އައު ސްކީމެކެވެ. މި ސްކީމުގެ ސަބަބުން ގިނަ ރައްޔިތުންނަށް އަމިއްލަ ގެދޮރު ގަތުމުގެ ފުރުޞަތު ލިބިގެންދާނެ ކަމަށް ބެލެވެއެވެ.
"ހިޔާވެހި ފައިނޭންސިން" ސްކީމަށް ކުރިމަތިލުމުގެ ފުރުޞަތު ހަމަވާތާ 3 މަސް ތެރޭ ލޯނު ދޫކުރަން ފަށާނެ: ވަޒީރު
