މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބޭރު ފައިސާއާބެހޭ ބިލަށް އާންމުންގެ ޚިޔާލު ހޯދުމަށް ފުރުޞަތު ހުޅުވާލައިފިއެވެ. މި ބިލުގެ މައިގަނޑު މަޤްޞަދަކީ ރާއްޖޭގައި ބޭރު ފައިސާއާބެހޭ ގަވާއިދު އިތުރަށް ހަރުދަނާކުރުމެވެ.
އެމްއެމްއޭއިން މިއަދު ނެރުނު ނޫސްބަޔާނެއްގައި ބުނެފައިވާ ގޮތުގައި، މި ބިލާ ގުޅޭގޮތުން ޚިޔާލު ހުށަހެޅުމުގެ ފުރުޞަތު 1 ޑިސެންބަރު 2023 ވާ ހުކުރު ދުވަހުގެ 14:00 އާ ހަމައަށް ހުޅުވާލާފައިވެއެވެ. ޚިޔާލު ހުށަހަޅަން ބޭނުންވާ ފަރާތްތަކުން [email protected] އަށް އީމެއިލް ކުރުމަށް އެމްއެމްއޭއިން އަންގާފައިވެއެވެ.
މިއާއެކު، އެމްއެމްއޭއިން ވަނީ މި އަހަރުގެ އޮކްޓޫބަރު 1 އިން ފެށިގެން އަމަލުކުރަން ފެށި ބޭރު ފައިސާއާބެހޭ އައު ގަވާއިދުގެ މުހިންމު ނުކުތާތަކެއް ފާހަގަކޮށްފައެވެ. މީގެ ތެރޭގައި ޓޫރިޒަމް ދާއިރާގެ ތަންތަން ދެ ގިންތިއަކަށް ބަހާލުމާއި، ކޮންމެ ފަތުރުވެރިއަކަށް ވަކި މިންވަރެއް ބޭންކިން ނިޒާމަށް މާރުކުރުން ލާޒިމްކުރުން ހިމެނެއެވެ. އަދި ބޭންކުތަކުން އެމްއެމްއޭއަށް 60% ބޭރު ފައިސާ ވިއްކަން ވިއްކަންޖެހޭ ކަމަށްވެސް ބަޔާންކޮށްފައިވެއެވެ.
އެމްއެމްއޭއިން ޤަބޫލުކުރާ ގޮތުގައި މި އައު ގަވާއިދުގެ ސަބަބުން ބޭންކުތަކަށް ބޭރު ފައިސާ ލިބުމުގައި ދިމާވެފައިވާ ދަތިތަކަށް ހައްލު ލިބިގެންދާނެއެވެ. މި ބިލާ ގުޅޭގޮތުން އާންމުންގެ ޚިޔާލު ހޯދުމަކީ ގަވާއިދު އިތުރަށް ހަރުދަނާކުރުމަށް އެޅޭ މުހިންމު ފިޔަވަޅެއް ކަމުގައި އެމްއެމްއޭއިން ދެކެއެވެ.
ބޭރު ފައިސާއާބެހޭ ބިލަށް އާންމުންގެ ޚިޔާލު ހޯދުމަށް އެމްއެމްއޭއިން ފުރުޞަތު ހުޅުވާލައިފި
