ދުނިޔޭގެ ކޯޓުން ހައްޔަރުކުރަން އަމުރުނެރެފައިވާ މީހަކު ރާއްޖެ އަތުވެއްޖަނަމަ ހައްޔަރުކުރާނެ ކަމަށާއި، އިޒްރޭލުގެ ބޮޑުވަޒީރާއި ދިފާޢީ ވަޒީރު އިސްތިސްނާއެއް ނުކުރާނެ ކަމަށް ދާހިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިހުސާން މިއަދު ވިދާޅުވެއްޖެއެވެ.
މިއަދު ނޫހަށް މަޢުލޫމާތު ދެއްވަމުން ވަޒީރު އަލީ އިހުސާން ވިދާޅުވީ ރާއްޖެއަކީ އިންޓަރނޭޝަނަލް ކޯޓުތަކުގެ އަމުރުތައް ވަކި މީހަކު އިސްތިސްނާނުކޮށް ތަންފީޒުކުރާނެ ޤައުމެއް ކަމަށެވެ. އަދި މި އަމުރު ރާއްޖެއިން ތަންފީޒުކުރާނެ ކަމަށްވެސް އެމަނިކުފާނު ވިދާޅުވިއެވެ.
"ރާއްޖެއަކީ ބައިނަލްއަޤްވާމީ ޤާނޫނުތަކަށް އިޙްތިރާމްކުރާ ޤައުމެއް. އައިސީސީގެ އަމުރުތައް ތަންފީޒުކުރުމަކީ އަޅުގަނޑުމެންގެ ޒިންމާއެއް. އެ އަމުރުގައި ހިމެނޭ އެއްވެސް ފަރާތެއް ރާއްޖެ އަތުވެއްޖެނަމަ، އެ ފަރާތެއް ހައްޔަރުކުރެވޭނެ," ވަޒީރު ވިދާޅުވިއެވެ.
އިންޓަރނޭޝަނަލް ކްރިމިނަލް ކޯޓު (އައިސީސީ) އިން ނެރުނު އަމުރުގައި ހަނގުރާމައިގެ ކުށްތަކަށް އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ، ކުރީގެ ޑިފެންސް މިނިސްޓަރު ޔޯއާވް ގަލަންޓް އަދި ހަމާސްގެ އަސްކަރީ ވެރިޔާ ހައްޔަރުކުރުމަށް އެދިފައިވެއެވެ.
އައިސީސީގެ އަމުރުގައި ބުނެފައިވަނީ ޣައްޒާގެ އާންމުންނަށް އަސާސީ ޚިދުމަތްތައް ގަސްތުގައި ނުދީ ހިފަހައްޓާފައިވާ ކަމަށެވެ. އައިސީސީގެ މެމްބަރު ޤައުމުތަކުން މިފަދަ އަމުރުތައް ތަންފީޒުކުރަން ޖެހެއެވެ.
ވަޒީރު އަލީ އިހުސާންގެ މި ބަސްފުޅަކީ ބައިނަލްއަޤްވާމީ ޤާނޫނުތަކަށް ރާއްޖެއިން ދޭ އަހައްމިއްޔަތުކަން ދައްކުވައިދޭ ބަޔާނެއް ކަމަށް ސިޔާސީ ދާއިރާގެ މާހިރުން ދެކެއެވެ.
ދުނިޔޭގެ ކޯޓުން ހައްޔަރުކުރަން އަމުރުނެރެފައިވާ މީހަކު ރާއްޖެ އަތުވެއްޖަނަމަ ހައްޔަރުކުރާނަން! އިޒްރޭލުގެ ބޮޑުވަޒީރާ ދިފާޢީ ވަޒީރު އިސްތިސްނާއެއް ނުކުރާނަން!: ހޯމް މިނިސްޓަރ އިޙްޞާން
