ޤައުމިއްޔަތު ކޮލެޖުން އިންތިޒާމުކޮށްގެން ބޭއްވި "ކަޅުއޮށްފުންމި - ދިވެހި ޤައުމިއްޔަތުގެ ދަރުބާރު" ނަމުގައި ބޭއްވުނު ފުރަތަމަ މަހާސިންތާ މިއަދު ނިންމާލައިފިއެވެ. މި މަހާސިންތާގެ މައިގަނޑު މަޤްޞަދަކީ ދިވެހި ޤައުމިއްޔަތުގެ ޢިލްމު ފެތުރުމެވެ.
ދިވެހިބަހާއި ސަގާފަތާއި ތަރިކައާ ބެހޭ ވުޒާރާއިން މަޢުލޫމާތު ދެއްވިގޮތުގައި، މި މަހާސިންތާގައި ޖުމްލަ 9 ޢިލްމީ ކަރުދާސް ހުށަހެޅުނެވެ. އަދި ދިވެހިވަންތަކަމާއި ޤައުމިއްޔަތު އާލާކުރުމަށް މަގުފަހިކުރުމަށް ގިނަގުނަ މަސައްކަތްތަކެއް ކުރެވުނެވެ. މީގެ އިތުރުން، މަހާސިންތާގެ ބައިވެރިންގެ ތެރޭގައި އެކި ދާއިރާތަކުގެ ތަޖުރިބާކާރުން ހިމެނުނުކަން ފާހަގަކޮށްލެވެއެވެ.
މަހާސިންތާ ނިންމާލުމަށްފަހު ޕީއެސްއެމް ނިއުސްއާ ވާހަކަދައްކަވަމުން ޤައުމިއްޔަތު ކޮލެޖުގެ ތާރީޚުގެ އިސްވާރު އަޙްމަދު ޝާކިރު ވިދާޅުވީ ދިވެހި ޤައުމިއްޔަތު، ދިވެހިންގެ ޒަމާންވީ ރީތި ސިފަތައް އަލުން ދިވެހިންގެ ކިބައިގައި އަށަގެންނެވުމަކީ ރައީސް ޑރ. މުޙައްމަދު މުޢިއްޒުގެ ވަރަށް މުހިންމު ވަޢުދެއް ކަމަށެވެ. އަދި ވަޢުދު ފުރިހަމަކުރުމަށް ދިވެހި ޤައުމިއްޔަތުގެ އިސްވަރު އުފެދި، އޭގެ ފުރަތަމަ ބައްދަލުވުން ވަރަށް ކާމިޔާބުކަމާއެކީ ކުރިއަށްގޮސްފައިވާކަމަށް ޝާކިރު ވިދާޅުވިއެވެ.
މުސްތަޤުބަލުގައި މިފަދަ މަހާސިންތާތައް އިތުރަށް ވަރުގަދަކުރުމުގެ އުންމީދު ފާޅުކުރެވުނު މި މަހާސިންތާއަކީ ދިވެހި ޤައުމިއްޔަތު ކުރިއެރުވުމަށް އެޅުނު މުހިންމު ފިޔަވަޅެއްކަން ފާހަގަކުރެވެއެވެ. މި މަހާސިންތާއިން ލިބުނު މަޢުލޫމާތާއި ތަޖުރިބާ ބޭނުންކޮށްގެން ދިވެހި ޤައުމިއްޔަތު އިތުރަށް ވަރުގަދަކުރުމަށް މަގުފަހިވާނެކަމަށް އުންމީދުކުރެވެއެވެ.
"ކަޅުއޮށްފުންމި - ދިވެހި ޤައުމިއްޔަތުގެ ދަރުބާރު" މަހާސިންތާ ނިންމާލައިފި
