މުސާރަ ނުލިބޭތީ މުލިއާގެ ކައިރީގައި އެއްވެ އިހުތިޖާޖުކުރި 55 ބިދޭސީން އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ. މި މަޢުލޫމާތު ދިވެހި ފުލުހުންގެ ޚިދުމަތުން ވަނީ ހާމަކޮށްފައެވެ.
ފުލުހުން ބުނެފައިވަނީ މި އިހުތިޖާޖުގައި ބައިވެރިވި ބިދޭސީންގެ ތެރޭގައި 38 އިންޑިއާ މީހުންނާއި 17 ބަންގްލަދޭޝް މީހުން ހިމެނެއެވެ. ނަމަވެސް، މި ބިދޭސީންނަކީ ކޮން ކުންފުންޏެއްގައި މަސައްކަތްކުރާ ބައެއްކަން އަދި ވަނީ ހާމަކޮށްފައި ނުވެއެވެ.
މުސާރަ ނުދިނުމަކީ ރާއްޖޭގައި އާންމުކޮށް ދިމާވާ މައްސަލައެއް ކަމަށް ފާހަގަކުރެވެއެވެ. މިފަދަ މައްސަލަތައް ހައްލުކުރުމަށް ސަރުކާރުން އެކި ގޮތްގޮތުން މަސައްކަތްތަކެއް ކުރަމުންދާ ކަމަށް ވެސް ބެލެވެއެވެ.
މި މައްސަލައާ ގުޅޭ އިތުރު ތަފްސީލު ހޯދުމަށް މޯލްޑިވްސް އިމިގްރޭޝަނަށް ގުޅުމުން، އެ އިދާރާއިން ވަނީ މި މައްސަލައާ ގުޅޭ ގޮތުން ތަހުގީގުތައް ކުރިއަށްދާ ކަމަށާއި، އިތުރު މަޢުލޫމާތު ލިބުމުން ހިއްސާކުރާނެ ކަމަށް ބުނެފައެވެ.
މުލިއާގެ ކައިރީގައި އެއްވެ އިހުތިޖާޖުކުރި 55 ބިދޭސީން އިމިގްރޭޝަނުގެ ބެލުމުގެ ދަށަށް ގެންގޮސްފި
