އިސްލާމީ ކަންތައްތަކާ ބެހޭ ވުޒާރާއިން 2025 ވަަނަ އަހަރުގެ ކަލަންޑަރު ނެރެފިއެވެ.
ވުޒާރާއިން ތައްޔާރުކޮށްފައިވާ 2025 ވަނަ އަހަރުގެ ކަލަންޑަރު ވުޒާރާއިން އާއްމުކޮށް ވިއްކާ ގޮތަށް ވަނީ ހަމަޖެހިފައެވެ. އެގޮތުން ވޯލް ކަލަންޑަރު 25 ރުފިޔާއަށް ވިއްކުމަށް ހަމަޖެހިފައިވާއިރު ޑެސްކު ކަލަންޑަރު ވިއްކުމަށް ހަމަޖެހިފައިވަނީ 50 ރުފިޔާއަށެވެ.
މި ކަލަންޑަރަކީ ޙިޖުރީ ތާރީޚާއި މީލާދީ ތާރީޚާއި ރަސްމީ ބަންދު ދުވަސްތަކާއި ނަކަތްތައް އަދި ނަމާދު ވަގުތުތައް އެނގޭނެ ގޮތަށް ފަރުމާކުރެވިފައިވާ ކަލަންޑަރެކެވެ.
މި ކަލަންޑަރުތައް ރަސްމީ ބަންދު ނޫން ކޮންމެ ދުވަހެއްގެ ހެނދުނު 8:00 އިން 14:00 އަށް ވުޒާރާގެ ރިސެޕްޝަނުން ލިބެން ހުންނާނެއެވެ.
ހަބަރު: ސަރުކާރު
