ހދ. ކުރިނބީ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ ބައި-އިލެކްޝަންގައި ޕީޕަލްސް ނޭޝަނަލް ކޮންގްރެސް (ޕީއެންސީ) އިން 3 ގޮނޑި ކާމިޔާބުކޮށް، އެމްޑީޕީ ބަލިކޮށްލައިފިއެވެ. މިއަދު ބޭއްވުނު މި އިންތިޚާބުގައި ޕީއެންސީ އާއި އެމްޑީޕީގެ ޖުމްލަ 6 ކެންޑިޑޭޓުން ވާދަކުރިއެވެ.
އިލެކްޝަންސް ކޮމިޝަނުން އިއުލާންކުރި ވަގުތީ ނަތީޖާއިން ދައްކާގޮތުގައި ޕީއެންސީގެ 3 ކެންޑިޑޭޓުން ވަނީ ކާމިޔާބު ހޯދާފައެވެ. އެގޮތުން ކާމިޔާބު ހޯދި ކެންޑިޑޭޓުންނަކީ ފާޠިމަތު ނާފިޡާ އިސްމާޢީލް، އިނާސާ އާދަމް އަދި ރާނިޔާ މުޙައްމަދުއެވެ.
މި ނަތީޖާއާ ގުޅިގެން ޕީއެންސީން ވަނީ ކާމިޔާބު ހޯދި ކެންޑިޑޭޓުންނަށް މަރުޙަބާ ދަންނަވާފައެވެ. މި ކާމިޔާބީއަކީ ޕީއެންސީއަށް ލިބުނު ބޮޑު ކުރިއެރުމެއްގެ ގޮތުގައި އެ ޕާޓީން ދެކޭކަން ފާހަގަކޮށްފައިވެއެވެ.
މި އިންތިޚާބަކީ ކުރިނބީ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ 3 ގޮނޑިއަށް ބޭއްވުނު ބައި-އިލެކްޝަނެކެވެ. މި އިންތިޚާބުގެ ސަބަބުން އެ ކޮމެޓީގެ އާ މެންބަރުން ހޮވި، ކުރިއަށް އޮތް ދުވަސްތަކުގައި ކުރިނބީގެ އަންހެނުންގެ ތަރައްޤީއަށް އިތުރު މަސައްކަތްތަކެއް ކުރެވިގެންދާނެ ކަމަށް އުއްމީދު ކުރެވެއެވެ.
ކުރިނބީ ޑަބްލިއުޑީސީގެ 3 ގޮނޑި އެމްޑީޕީ ބަލިކޮށް ޕީއެންސީން ކާމިޔާބުކޮށްފި
