އިބްނުލް ޤައްޔިމު رحمه الله ވިދާޅުވިއެވެ.
ދުނިޔޭގެ ޙަޔާތުގައި، ﷲ ތަޢާލާ ޛިކުރުކުމާއި އެއިލާހު ލޯބި ކުޅަ ޢަމަލުތައް ކުރުމުގައި މަޝްޣޫލުވެ އުޅޭ މީހާއަށް އެކަމުގެ ހެޔޮ އަޘަރު އެމީހާ އެކަމަށް އެންމެ ބޭނުންވެފައި ވަނިކޮށް ފެނިގެން ދާނެއެވެ. އެއީ އޭނާގެ ރޫޙު (ހަށިގަނޑުން) ނުކުމެ، ﷲ ތަޢާލާގެ ޙަޟްރަތަށް އުފުއްލެވިގެންދާ ވަގުތުގައެވެ.
އަދި ހަމަ އެހެންމެ ﷲ ތަޢާލާ ނޫން ފަރާތަކާ މެދުގައި މަޝްޣޫލުވެ އުޅޭ މީހާ ދަންނައެވެ. އޭނާ ހެޔޮ ޙާލުގައިވާ ހިނދުގައި، ﷲ ތަޢާލާ ހަނދުމަކުރުން ދަތިކަމަށް ވާނަމަ، މަރަށް ޙާޟިރުވާ ވަގުތުގައި އެކަން ކުރުމަށް އޭނާއަށް ދަތިވާނެއެވެ. އެއީ ﷲ ތަޢާލާގެ ޙަޟްރަތުން ވަރަށް ބޮޑު ޢިނާޔަތެއް ލިބުނު މީހަކު ފިޔަވައެވެ.
މި ސަބަބަށްޓަކައި ބުއްދިވެރިޔާއަށް އެކަށީގެންވަނީ އޭނާވީ ކޮންމެ ތަނެއްގައި އޭނާގެ ހިތާއި ދޫ، ﷲ ތަޢާލާގެ ޛިކުރުކުރުމުގައި ހޭދަކުރުމެވެ. އެއީ އެ ވަގުތުކޮޅު ފާއިތުވެއްޖެނަމަ، އަބަދުގެ އަބަދަށް އޭނާ އަބާއްޖަވެރިވެދާނެ އެ ވަގުތުކޮޅަށްޓަކައެވެ.
ފަހެ ﷲ ތަޢާލާގެ ޙަޟްރަތުން އެދެނީ އެއިލާހަށް ހެޔޮ ގޮތުގައި ޛިކުރުކުރުމާއި ޝުކުރުކުރުމާ އަދި އަޅުކަންކުރުމުގެ ހެޔޮ ތައުފީޤު އަޅަމެންނަށް ދެއްވުމެވެ."
"طريق الهجرتين لابن القيم (ص: 308 - 309)
- ޝައިޚް ޢމްރާން މުޙައްމަދު ޢަލީ
