ނަބީބޭކަލުންނާއި ރަސޫލުބޭކަލުންގެ ތަފާތަކީ ކޮބާ ހެއްޔެވެ؟
މިކަމުގައި ޢިލްމުވެރިން އިޖުތިހާދުކުރައްވާ ނަބީބޭކަލުންނާ ރަސޫލުބޭކަލުންގެ ބައެއް ތަފާތު ބަޔާންކުރައްވައި ތަޢުރީފުތަކެއް ގެންނަވާފައި ވެއެވެ.
އޭގެ ތެރެއިން އެންމެ ރަނގަޅު އެއް ތަޢުރީފަކީ: ނަބީބޭކަލުންނަކީ ﷲ ތަޢާލާ، އެބޭކަލުންނަށް ވަޙީ ބާވައިލައްވާ ބޭކަލުންނެވެ. އެބޭކަލުންނަށް ﷲ ތަޢާލާ ވަޙީގެ ޛަރީޢާއިން ދެއްވާ ޚަބަރު، މީސްތަކުންނަށް އެބޭކަލުން ފޯރުކޮށްދެއްވައެވެ. އޭގެ ތެރެއިން، ﷲ ތަޢާލާގެ އަމުރުފުޅާ ޚިލާފުވެ ދެކޮޅުވެރިވަމުންދާ ބައެއްގެ ގާތަށް ފޮނުއްވޭ ބޭކަލުންނަށް ރަސޫލުބޭކަލުންނޭ ކިޔައެވެ. އެހެނަސް ކުރިން ބާވައިލެއްވި ޝަރީޢަތަކަށް ޢަމަލުކުރައްވާ ބޭކަލަކު، ވަކި ރިސާލަތަކާއިގެން ﷲ ތަޢާލާގެ ހަޟްރަތުން ބައެއްގެ ގާތަށް ނުފޮނުއްވާނަމަ އެއީ ހަމައެކަނި ނަބީބޭކަލެކެވެ. އެއީ ރަސޫލުބޭކަލެއް ނޫނެވެ.
[ބައްލަވާ: النبوات لشيخ الإسلام ابن تيمية (2 / 714 – 717)]
- ޝައިޚް ޢިމްރާން މުޙައްމަދު ޢަލީ
އިތުރު ތަފްޞީލް:
https://jamiyyathsalaf.com/1529
- އައްޝައިޚް ޢިމްރާން މުޙައްމަދު ޢަލީ
