އައު އަހަރާ ދިމާކޮށް ބޭންކް އޮފް މޯލްޑިވްސް (ބީއެމްއެލް) އާއި މޯލްޑިވްސް އިސްލާމިކް ބޭންކް (އެމްއައިބީ) 31 ޑިސެމްބަރުން ފެށިގެން 5 ދުވަހަށް ބަންދުކުރާ ކަމަށް އެ ދެ ބޭންކުން މިއަދު އިއުލާނުކޮށްފިއެވެ.
ބީއެމްއެލް އާއި އެމްއައިބީން މިއަދު ނެރުނު ބަޔާނެއްގައި ބުނެފައިވަނީ 31 ޑިސެމްބަރު 2024 އިން ފެށިގެން ބޭންކް ބަންދުވާނެ ކަމަށާއި، ދެން ހުޅުވޭނީ 5 ޖަނަވަރީ 2025 ގައި ކަމަށެވެ. މި ސަބަބަށްޓަކައި ކަސްޓަމަރުން ދުރާލާ ކަންކަން ނިންމުމަށް އެ ދެ ބޭންކުން ވަނީ އިލްތިމާސްކޮށްފައެވެ.
ބީއެމްއެލްގެ ފަރާތުން މަޢުލޫމާތު ދެމުން ބުނެފައިވަނީ ބޭންކް ބަންދުވާ މުއްދަތުގައިވެސް އިންޓަނެޓް އަދި މޯބައިލް ބޭންކިންގ ޚިދުމަތާއި، ސެލްފް ސަރވިސް އޭޓީއެމް އަދި ކަސްޓަމަރ ސަޕޯޓް ސަރވިސްގެ ޚިދުމަތް މެދުނުކެނޑި ލިބެން ހުންނާނެ ކަމަށެވެ.
އެމްއައިބީގެ ފަރާތުން ވެސް ހާމަކޮށްފައިވަނީ ބޭންކް ބަންދުވާ މުއްދަތުގައި އީ-ބޭންކިންގ އާއި، އޭޓީއެމްގެ އިތުރުން ކަސްޓަމަރ ކެއަރ ސެންޓަރގެ ޚިދުމަތް ކުރިއެކޭ އެއްގޮތަށް ލިބެން ހުންނާނެ ކަމަށެވެ.
މި ދެ ބޭންކުން ވަނީ ކަސްޓަމަރުންނަށް ދިމާވެދާނެ އުނދަގޫތަކަށް މަޢާފަށް އެދި، އައު އަހަރުގެ ހެޔޮ އެދުންތައް ފޯރުކޮށްދީފައެވެ. އަދި ބޭންކުގެ ޚިދުމަތްތަކާ ގުޅޭގޮތުން އިތުރު މަޢުލޫމާތު ބޭނުންވާނަމަ އެ ބޭންކުތަކުގެ ރަސްމީ ވެބްސައިޓް ނުވަތަ ސޯޝަލް މީޑިއާ ޕްލެޓްފޯމްތަކުން ލިބެން ހުންނާނެ ކަމަށް ބުނެފައިވެއެވެ.
ބީއެމްއެލްއާއި އެމްއައިބީ 31 ޑިސެމްބަރުން ފެށިގެން 5 ދުވަހަށް ބަންދުކުރަނީ
