ޢާއިޝަތު ރަފާޙް ޢަލީ
ކީރިތި ގުރްއާން ހިތުދަސް ކުރުމުގެ މަތިވެރިކަމާއިމެދު ވިސްނާލަމާ ހިނގާށެވެ! އެއީ ދުނިޔެ އާއި އާޚިރަތުގައި އެމީހަކަށް އެކަމުގެ ހެޔޮކަން އެންމެ މަތިވެރި ދަރަޖައިގައި ލިބޭނެ ކަމެކެވެ. ޤިޔާމަތް ދުވަހު ﷲ ތަޢާލާގެ މަތިވެރި ޙަޟްރަތުން އެންމެ މަތިވެރިކަން ބޮޑު ޢިއްޒަތާއި ޝަރަފުގެ ތާޖާއި ޢިއްޒަތުގެ ފޭރާން ލިބެން އޮތް ކަމެކެވެ. ތިރީގައި މި ބަޔާން ކޮށްލަނީ ކީރިތި ގުރްއާން ހިތުދަސް ކުރުމަށް އަހައްމިއްޔަތުކަން ދޭންވީ ބައެއް ސަބަބުތައް:
• ކީރިތި ގުރްއާން ހިތުދަސް ކުރުމުން ރަސޫލާ ސައްލަ ﷲ ޢަލައިހި ވަސައްލަމް ގެ ސުންނަތައް ތަބަޢަވެވޭނެ: ރަސޫލާ މުހައްމަދު ޞައްލަ ﷲ ޢަލައިހި ވަސައްލަމް ކީރިތި ގުރްއާން ހިތުދަސް ކުރައްވާ ކޮންމެ އަހަރަކު ސަހާބީންނާ އެކީގައިވެސް މުރާޖަޢާ ކުރައްވައެވެ. އެހެންކަމުން ކީރިތި ގުރްއާން ހިތުދަސް ކުރުމަކީ ނަބިއްޔާ ސައްލަ ﷲ ޢަލައިހި ވަސައްލަމްގެ ސުންނަތައް ތަބަޢަވުމުގެ ގޮތުން ކުރެވޭ ކަމެކެވެ.
• ނަރަކައިގެ ޢަޛާބުން ސަލާމަތް ވުމަށް އެހީވެދޭ ކަމަކަށްވާތީ
• ގިޔާމަތް ދުވަހުން ރަން ތާޖެއް ބޮލުގައި އެޅުވޭނެ: ﷲތަޢާލާ އަޅުގަނޑުމެންނަށް އަންގަވާފައިވަނީ ސުވަރުގޭގައި އާޔަތްތައް ކިޔަވަމުން ކިޔަވަމުން ގޮސް ކީރިތި ގުރްއާނުގެ އެންމެ ފަހު އާޔަތާ ހަމައަށް ކިޔަވާނެ ކަމެވެ. އަދި ބޮލުގައި ރަން ތާޖެއް އެޅުވޭނެއެވެ
•ޝަރުޢީ ޢިލްމު އުނގެނުމަށް: ޢިލްމުވެރީން އެންމެ ފުރަތަމަ ކުޑައިރުއްސުރެ ފެށިގެން ގުރްއާން އުނގެނި ހިތުން ދަސްކުރަނީ ޗަރުޢީ ޢިލްމުތައް އުނގެނެން ފަސޭހަ ވާނެތީ
• ސުންނަތައް ތަބަޢަވުމަށް އެހީވެދޭ
• އީމާންކަން ވަރުގަދަވެ ދުނިޔެއާއި އާޚިރަތުގައި ޘަވާބު ލިބިގެންދާ ކަމަކަށް ވާތީ
• ﷲ ސުބްހާނަހޫ ވަތަޢާލާ އާއި އޮންނަ ގުޅުން ކައިރިކޮށްދޭ ކަމަކަށްވާތީ
• ޝައިތާނާ އާއި ދުރުކޮށްދޭ ކަމަކަށްވާތީ
