މޯލްޑިވްސް އިމިގްރޭޝަނުން މާލޭގައި ހިންގި އޮޕަރޭޝަނެއްގައި ބިދޭސީންގެ އެކަމޮޑޭޝަނެއް ބަލައި ފާސްކޮށް، 4 ބިދޭސީއެއް އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ.
އިމިގްރޭޝަނުން މަޢުލޫމާތު ދެއްވާފައިވާ ގޮތުގައި، މި އޮޕަރޭޝަނަކީ ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލުކުރުމަށް ސަރުކާރުން ކުރަމުންދާ މަސައްކަތުގެ ބައެކެވެ. މި އޮޕަރޭޝަނުގައި އިމިގްރޭޝަނުގެ އިތުރުން މޯލްޑިވްސް ޕޮލިސް ސަރވިސް އަދި އިޤްތިޞާދީ ވުޒާރާގެ އޮފިޝަލުން ބައިވެރިވެފައިވެއެވެ.
އޮޕަރޭޝަން ކުރިއަށް ގެންދެވުނީ ގ. ހާލަމްގައި ހުރި ބިދޭސީންގެ އެކަމޮޑޭޝަނެއްގައެވެ. އިމިގްރޭޝަނުން ވިދާޅުވީ މިފަދަ އޮޕަރޭޝަންތައް ގަވާއިދުން ހިންގައި، ގަވާއިދާ ޚިލާފަށް ރާއްޖޭގައި ދިރިއުޅޭ ބިދޭސީން އެމީހުންގެ އަމިއްލަ ޤައުމުތަކަށް އަނބުރާ ފޮނުވާ ފޮނުވަމުންދާ ކަމަށެވެ.
އިމިގްރޭޝަނުން ބުނެފައިވަނީ އަމާޒަކީ އަންނަ 3 އަހަރުގެ ތެރޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލުކުރުން ކަމަށާއި މިހާތަނަށް 5000 އަށްވުރެ ގިނަ ބިދޭސީން ވަނީ އެމީހުންގެ ޤައުމުތަކަށް ފޮނުވާލާފައި ކަމަށެވެ.
މި އޮޕަރޭޝަނުގައި ހައްޔަރުކުރެވުނު 4 ބިދޭސީންނާމެދު ޤާނޫނީ ގޮތުން އަޅަންޖެހޭ ފިޔަވަޅުތައް އަޅައި، އަވަސް ފުރުޞަތެއްގައި އެމީހުންގެ ޤައުމުތަކަށް ފޮނުވާލެވޭނެ ކަމަށް އިމިގްރޭޝަނުން ބުނެފައިވެއެވެ.
މާލޭގައި ހިންގި އޮޕަރޭޝަނެއްގައި 4 ބިދޭސީން އަތުލައިގަނެވިއްޖެ
