އަހުރެމެން ފަރުޟް 5 ނަމާދުކުރަމުއެވެ. ގިނަ ބައަކު ޛިކުރް ތަސްބީޙް ކިޔައެވެ. ކިޔާމީހުން އިތުރަށް ސަމާލުކަންދީގެން ކިޔާށެވެ! މާނައަށް ވިސްނައިގެން ކިޔާށެވެ! ނުކިޔައި އަވަހަށް ފައިބާ މީހުން އެކަން އެގޮތަށް ކުރުން ހުއްޓައިލާށެވެ!
އެއީ ތިމާއަށް ކުރެވިފައިވާ ހުރިހާ ފާފަތަކެއް ފުއްސަވައި ދެއްވެވުމަށް އޮތް މަގެކެވެ. ޢަމަލެކެވެ.
ވީމާ ކޮންމެ ނަމާދަކަށްފަހުގައިވެސް:
سبحان الله (33×) ، الحمد لله (33×) ، الله أكبر (33×) ، لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَىْءٍ قَدِيرٌ
ކިޔަމުން ގެންދާށެވެ. އެއީ ތިމާއަށް ކުރެވިފައިވާ ފާފަތައް ފުއްސަވައި ދެއްވަވާނެ ކަމެކެވެ. އިން ޝާ ﷲ
ކޮންމެ ނަމާދަކަށްފަހުގައި އެމީހެއްގެ ފާފަތައް ފުއްސަވައިދެއްވަވާނެ މަގުން ޢަމަލުކުރެވޭނަމަ އެމީހެއްގެ ފާފަތައް އަބަދުވެސް ވާނީ ފުހެވިގެންނެވެ. ވީމާ ނަމާދަށްފަހު އޭނާ ފާފައެއް ނުކޮށް ހުއްޓައި މަރުވެއްޖެނަމަ އެމީހަކަށް އެލިބެނީ ކޮންފަދަ ބޮޑު ނިޢުމަތެއް ހެއްޔެވެ؟ މަރުވާނެ ވަޤުތު ނުއެނގޭއިރު މިއީ ކޮންމެ މުސްލިމަކުވެސް ކުރަން އެންމެ ބޮޑަށް ސަމާލުކަންދޭން އޮތް އެއް ޢަމަލެވެ.
- ޝައިޚް ޢަލީ ޙައްމުދާ
