ޢާންމު ގޮތެއްގައި ފުރާޅުގައި ހަރުކުރާ ސޯލާ ޕެނެލްތަކުން ހަކަތަ އުފައްދައިދޭނީ ސީދާ ޕެނެލްތަކަށް އަވިލިބޭ ވަޤުތުތަކުގައެވެ. ވީމާ މުޅި ދުވަހު މަސައްކަތެއް ނުކުރާނެއެވެ. ސީދާ އަވިނުލިބޭނަމަ މަސައްކަތްކުރިނަމަވެސް އެފިސަންސީ ދަށްވެގެންދާނެއެވެ.
މިކަމަށް ޙައްލެއް ހޯދުމުގެ ގޮތުން ސްޓެލްކޯއިން މުޅިން އައު ނިޒާމެއް ތަޢާރަފްކޮށް ތަޖުރިބާކުރަން ފަށައިފިއެވެ. ކ. ހިމާފުށީގައި ބޭނުންކުރަން ފެށި "ސަން ޓްރެކިން ސިސްޓަމަކާއެކު ސޯލާ ޕީވީ އިނޮވޭޝަންގެ އާންމު ސެޓަޕްތަކަށްވުރެ %75 އިތުރަށް ހަކަތަ އުފައްދައިދޭނެއެވެ. އެއީ އިރު ކޮންމެ ދިމާއެއްގައި ހުރިނަމަވެސް (ޕެނެލްތަކަށް ސިދާ އަވި ނުލިބުނަސް އަވިހުރިނަމަ) އެއް މިންވަރެއްގައި ހަކތަ އުފައްދައިދޭތީއެވެ.
ސްޓެލްކޯގެ މެނޭޖިންގ ޑިރެކްޓަރު ޙުސައިން ފަހުމީ ވިދާޅުވީ މިފަދަ ފައިދާހުރި ކަންކަން ތަޖުރިބާކުރަން ސްޓެލްކޯއިން މަސައްކަތްކުރަނީ ރާއްޖޭގައި އިޢާދަކުރަނިވި ހަކަތައިން ކަރަންޓް އުފައްދާ މިންވަރު އިތުރުކުރަން ރައީސް ޑރ. މުޙައްމަދު މުޢިއްޒު ދެއްވާ ޚާއްޞަ ސަމާލުކަމަށް އެއްބާރުލުންދީ ރައީސް ޑރ. މުޙައްމަދު މުޢިއްޒުގެ އަމާޒު ޙަޤީޤަތަކަށް ހެދުމަށް ކަމަށެވެ.
. @STELCOMALDIVES is pioneering solar PV innovation with a sun-tracking system in Himmafushi, delivering 75% more power than conventional setups! This first-of-its-kind project aligns with the government & His Excellency President Dr. @MMuizzu pledge to advance renewable energy… pic.twitter.com/nDSTyMxLEl
— Hussain Fahmy (@HussainFahmy09) January 30, 2025
