މިއަދު ހެނދުނު ސިނަމާލެ ބްރިޖު ހައިވޭގައި ހިނގި އެކްސިޑެންޓެއްގައި ބަންގްލަދޭޝް ރައްޔިތެއް މަރުވެއްޖެއެވެ.
ފުލުހުން މައުލޫމާތު ދެއްވާފައިވާ ގޮތުގައި މި އެކްސިޑެންޓު ހިނގާފައިވަނީ މިއަދު ހެނދުނު 8:19 އެހައިކަށްހާއިރު، ހުޅުމާލެއިން މާލެ އަންނަ ލޭންގައެވެ. އެކްސިޑެންޓު ހިނގީ ސޯލާ ޕެނަލްތައް ކައިރީގައި މަސައްކަތްކުރާކަން އަންގައިދިނުމަށް ބަހައްޓާފައި ހުރި ކޯނެއްގައި ސައިކަލެއް ޖެހިގެންނެވެ.
މި ހާދިސާގައި އަނިޔާވި ބަންގްލަދޭޝް ފިރިހެންމީހާ ވަނީ އައިޖީއެމްއެޗަށް ގެންދެވިފައެވެ. ނަމަވެސް ހޮސްޕިޓަލުގައި ފަރުވާ ދެމުންދަނިކޮށް، ހެނދުނު 9:05 ހާއިރު އޭނާ ވަނީ މަރުވެފައިކަމަށް ފުލުހުން މައުލޫމާތު ދެއްވިއެވެ.
މި މައްސަލައިގެ ތަހުގީގު މިހާރު ދަނީ ކުރިއަށް ކަމަށް ފުލުހުން ވަނީ ހާމަކުރައްވާފައެވެ. އަދި މި ހާދިސާއާ ގުޅޭ އިތުރު މައުލޫމާތު ލިބުމުން ހިއްސާކުރައްވާނެ ކަމަށްވެސް ފުލުހުން ވިދާޅުވިއެވެ.
