ﷲ ސުބްޙާނަހޫ ވަތަޢާލާ އަހަރެމެންނަށް ކުރައްވާފައިވާ އެންމެ މުހިއްމު އަމުރަކީ ކޮބާ؟ އަދި ﷲ ސުބްޙާނަހޫ ވަތަޢާލާ އަހަރެމެންނަށް ނަހީކުރައްވާފައިވާ އެންމެ ބޮޑު ކަމަކީ ކޮބާ؟
ޖަވާބު: ﷲ ސުބްޙާނަހޫ ވަތަޢާލާ އަހަރެމެންނަށް އަމުރުކުރައްވާފައިވާ އެންމެ މުހިއްމުކަމަކީ އަޅުކަންކުރުމުގައި އެއިލާހު އެއްކައުވަންތަކުރުމެވެ. އަދި އެއިލާހު އަހަރެމެންނަށް ނަހީކުރައްވާފައިވާ އެންމެބޮޑުކަމަކީ އެއިލާހަށް ޝިރުކުކުރުމެވެ.
އެއީ ﷲ ސުބްޙާނަހޫ ވަތަޢާލާއަށްނޫން އެހެންފަރާތްތަކަށް އަޅުކަންކުރުމާއި ﷲ ސުބްޙާނަހޫ ވަތަޢާލާއާއި އެހެންފަރާތްތަކާ ބައިވެރިކުރުމެވެ. އަޅުކަމުގެ އެއްވެސް ވައްތަރެއް ﷲ ސުބްޙާނަހޫ ވަތަޢާލާ ނޫން ފަރާތަކަށް އަނބުރާލައިފި މީހާ އޭނާ އެހެން ރައްބެއް އަދި އިލާހެއް ޢައްޔަންކޮށްފިއެވެ. އަދި އެމީހާ ﷲ އާ އެހެންފަރާތަކާ ޝަރީކުކޮށްފިއެވެ. ނުވަތަ އަޅުކަމުގެ ވައްތަރުތައް އެހެން ފަރާތަށް އަނބުރާލައިފިއެވެ.
- ޝައިޚް މުޙައްމަދު ޝާފިޢު
