އިމާމުމީހާ [ފަހު] އައްތަޙިއްޔާތުގައި ވަނިކޮށް ދެވިއްޖެނަމަ: އިމާމާއެކު ނަމާދު ފަށާފައި [ފަހު] އައްތަޙިއްޔާތު ނިމެންދެން ކިޔާށެވެ. އެހެނީ އޭނާ ނަމާދުފަށާފައި އެވަނީ އިމާމާއެކުއެވެ. އެހެންކަމުން އިށީނުމުގައި އިމާމަށް ތަބާވިފަދައިން އެތަނުގައި ކިޔުމަށް ޝަރުޢުކުރެވިގެންވާ ޛިކުރުގައިވެސް އިމާމާ ތަބާވާށެވެ. ނަމަވެސް ހަމައެކަނި ފުރަތަމަ އައްތަޙިއްޔާތު ކިޔުމަކީވެސް މައްސަލައެއް ނޫންކަމަށް ދެކެމެވެ.
އެކަމަކު މޮޅުއިތުރުވެގެންވަނީ އިމާމު ނިމެންދެން އޭނާއާ ތަބާވުމެވެ. އެހެނީ ނަބިއްޔާ صلى الله عليه وسلم ގެ ބަސްފުޅުގެ ޢާންމު މާނައިގައި މިކަން ހިމެނެއެވެ. ޙަދީޘްކުރެއްވެވިއެވެ.
))فَمَا أَدْرَكْتُمْ فَصَلُّوا))
"ނަމާދުން ތިޔައިބައިމީހުންނަށް ލިބުނު ބައެއް [އިމާމާއެކު] ކުރާށެވެ"
އަދިވެސް ޙަދީޘްކުރެއްވިއެވެ.
إِذَا أَتَى أَحَدُكُمْ الصَّلَاةَ وَالْإِمَامُ عَلَى حَالٍ فَلْيَصْنَعْ كَمَا يَصْنَعُ الْإِمَامُ
މާނައީ: "އިމާމުމީހާ ނަމާދުގެ ޙަރަކާތެއްގައިވަނިކޮށް ތިއަަބައިމީހުންކުރެ މީހަކަށް ނަމާދަށް އާދެވިއްޖެނަމަ އިމާމުމީހާ ކުރާފަދައިން ޢަމަލުކުރާށެވެ."
فضيلة الشيخ محمد بن صالح العثيمين –رحمه الله –
فتاوى إسلامية 1/300
- މަސްދަރު: ދިސަލަފިއްޔާ
