ﷲ ތަޢާލާ ވަޙީކުރެއްވެވިއެވެ.
﴿وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ﴾
މާނައީ: "ހަމަކަށަވަރުން ތިމަންއިލާހު ޤުރުއާން ހަނދުމަކުރުމަށް ފަސޭހަކޮށް ދެއްވީމެވެ. ފަހެ، ހަނދުމަކުރާ މީހަކު ވޭ ހެއްޔެވެ؟"
سورة القمر ގައި މި އާޔަތް 4 ފަހަރު ތަކުރާރުކުރައްވާފައިވެއެވެ.
އިބްނުލް ޤައްޔިމު رحمه الله ވިދާޅުވިއެވެ.
"އެއިލާހު (ކީރިތި ޤުރުއާން) ހަނދުމަކުރުމަށް ފަސޭހަކޮށްދެއްވުމުގައި، ތިން ގޮތަކުން ފަސޭހަކޮށްދެއްވާފައިވެއެވެ.
ފުރަތަމައީ: އޭގައިވާ ލަފްޒުތައް ހިތުދަސްކުރުމަށް ފަސޭހަކޮށްދެއްވާފައިވުން
ދެވަނައީ: އޭގެ މާނަ ފަހުމުވުމަށް ފަސޭހަކޮށްދެއްވާފައިވުން
ތިންވަނައީ: އޭގައިވާ އަމުރުފުޅުތަކާއި ނަހީތަކަށް ޢަމަލުކުރުން ފަސޭހަކޮށްދެއްވާފައިވުން"
[الـصواعـق الـمرسلـة (1 / 331)]
- އައްޝައިޚް ޢިމްރާން މުޙައްމަދު ޢަލީ
