ނަމާދުގެ ކޮންމެ ޙަރަކާތަކީވެސް މުހިންމު ޙަރަކާތެކެވެ. ކޮންމެ މަޤާމަކީވެސް މުހިންމު މަޤާމެވެ. ޚާއްޞަކޮށް ސަޖިދަކުރާއިރު ޚާއްޞަ ސަމާލުކަމެއް ދޭންޖެހޭނެއެވެ. އެ ވަޤުތަކީ ތިމާއަށް ﷲ ތަޢާލާ އާއި އެންމެ ބޮޑަށް ކުއްތަންވެވޭ ވަޤުތުކަމުގައިވާތީއެވެ.
ސަޖިދަ ކުރާ އިރު ޖައްސަން ޖެހޭ ހަތް ގުނަވަން:
1- ނިތްކުރި ނޭފަތާއި އެކުގައި
2-3 ދެއަތްތިލަ
4-5 ދެކަކޫ
6-7 ދެފައިތިލަ (އިނގިލި ތަކާއިއެކު)
(ޢިލްމްވެރިން ބަޔާންކުރައްވާ ގޮތުގައި ވީހާ ގިނަ އިނގިލިތަކެއް ތަޅުމުގައި ޖައްސަން މަސައްކަތްކުރަންވާނެއެވެ. މަސައްކަތްކުރުމުން ނުޖެއްސޭ އިނގިލަތަކަށް ވަކީލްކުރާނީއެވެ.)
ވީމާ މި 7 ގުނަވަން ވީހައި ފުރިހަމައަށް ޖައްސައިގެން ސަޖިދަކުރަން ޚާއްޞަ ސަމާލުކަމެއް ދޭންވާނެއެވެ.
- ޑރ. މުޙައްމަދު އިޔާޟް ޢަބްދުއްލަޠީފް
