މޫސާގެފާނު މިޞްރުން ނުކުމެވަޑައިގެން މަދްޔަނަށް ވަށައިގަތީ އަތްޕުޅުގައި އެއްވެސް އެއްޗެއް ނެތިއެވެ. ފަރިއްކުޅުއްވަވާނެ އެއްވެސް އެއްޗެއްވެސް ނެތިއެވެ. މޫސާގެފާނު އެޙާލުކޮޅުގައި މަދްޔަންގައި ހުންނަވައިގެން ކުރެއްވެވި ދުޢާ ޤުރްއާނުން އެނގެން އެބައޮތެވެ.
އެދުޢާއަކީ:
رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ
"އަޅުގެ ވެރިރަސްކަލާކޮ! އިބަރަސްކަލާނގެ މިއަޅާއަށް ދެއްވި ކޮންމެ ހެވަކަށް ހަމަކަށަވަރުން، މިއަޅާވަނީ ބޭނުންވެގެންނެވެ."
(އަލް ޤަޞަޞް: 24)
މިދުޢާ ކުރެއްވެވުމުން ﷲ ތަޢާލާ މޫސާގެފާނަށް އަނބިކަނބަލަކު ދެއްވެވިއެވެ. ހުންނަވާނެ ގެކޮޅެއް ދެއްވެވިއެވެ. ކުރައްވަވާނެ މަސައްކަތްޕުޅެއް ލިބިވަޑައިގެންނެވިއެވެ.
ވީމާ އަތުގައި އެއްވެސް އެއްޗެއް ނެތަސް، ކިތަންމެ ބޮޑު ދަތިޙާލެއްގައި ހުރެގެންވެސް މިދުޢާކުރާށެވެ! އެމީހަކަށް މަގެއް ދައްކަވާނެތެވެ! އިން ޝާ ﷲ
- ޝައިޚް މުޙައްމަދު ބާޖައުރުގެ ދަރުސަކުން
