އިމާމް ޝާފިޢީ ރަޙިމަހުﷲ، ދުނިޔެ ދޫކުރެއްވި ދުވަހުގައި އެކަލޭގެފާނުންގެ އެންމެ ޚާއްސަ ތިލްމީޒް ދަރިވަރު މުޒެއިނީ ރަޙިމަހުﷲ ވެދެވަޑައިގެން ވިދާޅުވަނީ --- " މިއަދު ކިހިނެއްހެއްޔޭ ހާލު؟" އެހިނދު ވިދާޅުވަނީ --- "ތިމަންނަ މިއަދު މިވަނީ ދުނިޔެއިން ނިކުމެގެން ދާ މީހެއްގެ ގޮތުގައެވެ." --- " ތިމަންނަގެ ވަށައިގެން ތިބި އަޚުންނާއި ވަކިވާ މީހެއްގެ ގޮތުގައެވެ." --- " ތިމަންނަގެ ނުބައި ޢަމަލުތަކުގެ ނަތީޖާއާ މިއަދު ބައްދަލު ކުރަން ޖެހިފައޭ މިވަނީ." --- " އަދި ތިމަންނަ މިވަނީ މަރުގެ ރަހަ ދެކުމުގެ ތުންފަތް މަތީގައެވެ." --- " އަދި ﷲ އާ ތިމަންނަ ބައްދަލުކުރަން ޖެހިފައޭ މިވަނީ." --- " ތިމަންނައަކަށް ނޭންގެއޭ ތިމަންނަގެ ނަފްސު ސުވަރުގެއަށް ދާތީ އެ ނަފްސަށް ތިމަންނަ ތަހުނިޔާ ކިޔަންވީކަމެއް." --- "އެ ނަފްސު ނަރަކައަށް ދާނެތީ ތިމަންނަ ނަފްސަށް ތަޢުޒިޔާ ކިޔަންވީކަމެއް."
ޢިމާމު ޝާފިޢީ ރަޙީމަހުﷲ، އަކީ އެކަލޭގެފާނުގެ މުޅި ޙަޔާތް ﷲ އަށްޓަކާ ޤުރުބާން ކުރެއްވި ބޭފުޅެއް. އެހެންނަމަވެސް ދުނިޔެއިން ވަކިވެވަޑައިގެންނެވި ވަޤުތުގައިވެސް ތަޤުވާވެރިކަމުގެ މަގު އިޚްތިޔާރު ކުރެއްވީ ﷲ ސުބުޙާނަހޫ ވަތަޢާލާގެ ޙަޟްރަތުން އެކަލޭގެފާނަށް ކުރިމަތިލާން ޖެހިދާނެ ނުރައްކަލަކަށް ކަންބޮޑުވެ ވަޑައިގެންނެވި.
ދެން ކީރިތި ކުރައްވަމުން ވިދާޅިވީ --- " ތިމަންނަގެ ހިތް ހަރުވެ ތިމަންނަ ސަލާމަތް ވާނެ އެންމެހާ މަގުތައް ތިމަންނައަށް ބަންދު ވެއްޖެހެން ހީވީމާ" --- " އިބަ އިލާހުގެ ރަޙްމަތަށް ތިމަންނަ ކުރާ އުއްމީދު އެއީ ތިމަންނަ ސަލާމަތް ވާނެ މަގު ކަމުގައި ތިމަންނަ ޚިޔާރު ކުރީމެވެ." --- " ތިމަންނަގެ ފާފަތައް ތިމަންނައަށް ބޮޑުވި ހިނދުގައި އެ ފާފަތައް ތިމަންނަ އަޅާކީމުއެވެ." --- " އޭ އަޅުގެ ވެރި އިލާހު! އިބަ އިލާހުގެ ޢަފޫއާއި އިބަ އިލާހުގެ މަޢާފު ކުރެއްވުމާއި އިބަ އިލާހުގެ ފުއްސެވުމާއި އަޅާ ކީހިނދުގައި." --- "އިބަ އިލާހުގެ ފުއްސެވުމާޢި ރުއްސެވުން ތިމަންނަގެ ފާފަތަކަށް ވުރެ މާ ބޮޑުކަމުގައި ތިމަންނައަށް ފެނުނެވެ." --- " އިބައިލާހުއީ އަބަދުވެސް ހުރިހާ ހާލަތެއްގައިވެސް ފާފަ ފުއްސެވުމުގައި ދެމިވޮޑިގެންވާ އިލާޙެވެ." --- "އިބަ އިލާޙު އެ ނިޢުމަތް ދެއްވަނީ އިބަ އިލާހު ގެ ހަޒްރަތުން ވާ ފަޟުލުވަންތަވެރިކަމާއި މިންނަތެއްގެ ގޮތުގައެވެ. އެއްވެސް ޙާލެއްގައި އެ ނިޢުމަތް އަޅުގަނޑުމެންނަށް ޙައްޤުވާތީކީ ނޫނެވެ.
މީ ތަޤުވާގެ އަހުލިވެރިން ދުނިޔެ ދޫކުރާ ގޮތް.
- ޝައިޚް އަޙްމަދު ސަމީރުގެ ދަރުސަކުން
