ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ރަމަޟާން މަހުގެ ފަހު ދިހައިގެ ހެޔޮ ދުޢާ ތަހްނިޔާ ދިވެހި ރައްޔިތުންނަށް އަރިސްކުރައްވައިފިއެވެ.
ރައީސް ޑރ.މުޢިއްޒު މިއަދު ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވެފައިވަނީ، "ބަރަކާތްތެރި ރަމަޟާން މަހުގެ ފަހު ދިހައިގެ ހެޔޮ ދުޢާ ތަހްނިޔާ އެންމެހާ ލޮބުވެތި ރައްޔިތުންނަށް އަރިސްކުރަން" ކަމަށެވެ.
ބަރަކާތްތެރި ރަމަޟާން މަހުގެ ފަހު ދިހައިގެ ހެޔޮ ދުޢާ ތަހްނިޔާ އެންމެހާ ލޮބުވެތި ރައްޔިތުންނަށް އަރިސްކުރަން. މާތް ﷲ މި ބަރަކާތްތެރި ރޭ ތަކުގެ ހެޔޮ ދަރުމަޔާއި ޡަވާބު އަޅަމެން އެންމެނަށް ލަށްވާށި! ލައިލަތުލް ޤަދްރީގެ މަތިވެރި ނިޢުމަތް އަޅަމެން އެންމެނަށް ދެއްވަވާށި! އާމީން!…
— Dr Mohamed Muizzu (@MMuizzu) March 20, 2025
މީގެއިތުރުން ރައީސް އެ ޕޯސްޓުގައި ދުޢާ ކުރައްވާފައިވަނީ، މާތްﷲ މި ބަރަކާތްތެރި ރޭތަކުގެ ހެޔޮ ދަރުމަޔާއި ޡަވާބު އެންމެންނަށް މިންވަރު ކުރެއްވުމަށާއި، ލައިލަތުލް ޤަދްރީގެ މަތިވެރި ނިޢުމަތް އެންމެންނަށް ދެއްވުމަށެވެ.
ރަމަޟާން މަހުގެ ފަހު ދިހައަކީ މި މަހުގެ އެންމެ މަތިވެރި ދުވަސްތައް ކަމަށްވެފައި، މި ދުވަސްތަކުގެ ތެރޭގައި ހާހެއްހާ މަސް ދުވަހަށްވުރެ ހެޔޮވެގެންވާ ލައިލަތުލް ޤަދްރު ވެއެވެ.
