ރޯދަ މަސް ފެށި ފަހުދިހަވެސް ފެށިގެންދާއިރު ގިނަ ބައަކު އެންމެ ބޮޑަށް ބޭނުންވާނީ ތިމާއަށް ސުވަރުގެ ދެއްވަވާނެ ވީހާ ގިނަ ހެޔޮ ޢަމަލުތައް ކުރާށެވެ! އެހެންވެ މިގެނެސްދެނީ ސުވަރުގެ އެދިގެން ކުރެވިދާނެ ފަންސަވީސް ކަމެކެވެ.
• 1 އިސްލާމް ދީނުގެ ރުކުންތަކަށް ރައްކާތެރިވުން.
• 2 ﷲ ސުބުޙާނަހޫ ވަތަޢާލާ އަހަރެމެން ކުރުމަށް އެންގެވި ކޮންމެ ކަމެއް ކުރުން
• 3 ﷲ ސުބުޙާނަހޫ ވަތަޢާލާ އަހަރެމެން އެކަމަކާ ދުރުހެލިވުމަށް އެންގެވި ކޮންމެ ކަމަކުން ދުރުހެލިވުން
• 4 މުޙައްމަދު ޞައްލަﷲ ޢަލައިހި ވަސައްލަމަގެ ސުންނަތުގައި ކޮލުދަތްތަކުން ހިފުން
• 5 ތެދުވެރިކަން.
• 6 ﷲގެ މަގުގައި ހޭދަކުރުން.
• 7 ސަލާމްކުރުން ގިނަކުރުން.
• 8 މިސްކިތްތައް ބިނާކުރުން.
• 9 ގާތްތިމާގެ ކަމުގެ ގުޅުން ދެމެހެއްޓުން.
• 10 ޔަތީމުން ބަލައިބޮޑުކުރުން.
• 11 ރިވެތި އަޚުލާޤު.
• 12 ފަތިސް ނަމާދާއި ޢަޞުރު ނަމާދަށް ރައްކާތެރިވުން.
• 13 ސުންނަތް ނަމާދުތަކަށް ރައްކާތެރިވުން.
• 14 ފަރުޟު ނަމާދުތަކަށް، ޖަމާޢަތަށް މިސްކިތަށް ދިއުން.
• 15 މީހުންނަށް އުދަގުވާގޮތަށް މަގުމަތީގައި ހުންނަ އެއްޗިހި އެއްކައިރި ކުރުން.
• 16 ބަލިމީހުންނަށް ޒިޔާރަތް ކުރުން.
• 17 ރުޅި އަންނަހިނދު، އެރުޅި މައިތިރި ކުރުން.
• 18 މީސްތަކުންނަށް މާފުކުރުން.
• 19 އަމާނާތްތެރިވުން.
• 20 ދުލާއި ލަދުވެތި ގުނަވަނަށް ރައްކާތެރިވުން.
• 21 ކޮންމެ ފަރުޟު ނަމާދެއްގެފަހުގައި އާޔަތުލް ކުރްސި ކިޔެވުން.
• 22 ސޫރަތުލް އިޚްލާޞް ކިޔެވުން ގިނަކުރުން.
• 23 ދަމުނަމާދުކުރުން.
• 24 ޙަސަދަވެރިކަމުން ދުރުހެލިވުން.
• 25 އަނބިމީހާ އޭނާގެ ފިރިމީހާއަށް ކިޔަމަންތެރިވުން.
- ޝައިޚް އަޙްމަދު ނާޒިޙް
މި ފަންސްވީސް ކަންތަކުގެ ތެރޭގައި ނަމާދާއި ގުޅުންހުރި 4 ކަމެއވެއެވެ. އެއީ ފަތިސް ނަމާދާއި ޢަޞުރު ނަމާދަށް ރައްކާތެރިވުމާއި ސުންނަތް ނަމާދުތަކަށް ރައްކާތެރިވުމާއި ފަރުޟު ނަމާދުތަކަށް ޖަމާޢަތަށް މިސްކިތަށް ދިއުމާއި އަދި ދަމުނަމާދުކުރުމެވެ.
މިކަންކަމުގެ ތެރޭގައި ހިމެނޭ ދުލާއި ލަދުވެތި ގުނަވަނަށް ރައްކާތެރިވުމަކީ އެންމެ ގިނަ ބައަކު ސަމާލުކަން އިތތުރުކުރަންޖެހިފައިވާ 2 ކަމެކެވެ.
ހަމަ އެންމެ ސުވާލެކެވެ. ތިބާވެސް ސުވަރުގެ ލިބުމަށް އެދޭއިރު މިކަންކަމުގެ ތެރެއިން ތިބާއަށް ކުރެވެނީ ކޮންކަމެއް ހެއްޔެވެ؟ ކިތައް ކަންތައް ހެއްޔެވެ؟
