ރައްޔިތުންގެ ދުޅަހެޔޮކަމަކީ ސަރުކާރުގެ އެންމެ އިސްކަންދޭ ސިޔާސަތުތަކުގެ ތެރެއިން އެއް ސިޔާސަތު ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ވިދާޅުވެއްޖެއެވެ. މިއަދަކީ ދިވެހި ޑޮކްޓަރުންގެ ދުވަސް ކަމަށްވާތީ، މި މުނާސަބަތުގައި ރައީސް މުޢިއްޒު ސޯޝަލް މީޑިޔާގައި ޙިއްސާކުރެއްވި ޕޯސްޓެއްގައި މިކަން ފާހަގަކުރެއްވިއެވެ.
ރައީސް މުޢިއްޒު ވިދާޅުވި ގޮތުގައި، "ސަރުކާރުން އެންމެ އިސްކަންދޭ އެއް ސިޔާސަތަކީ ރައްޔިތުންގެ ދުޅަހެޔޮކަން. ޞިއްޙީ ޚިދުމަތް ހަރުދަނާ ކުރުމަށް މިކުރާ މަސައްކަތުގައި ދިވެހި ޑޮކްޓަރުން ދެއްވާ މަޝްވަރާއާއި އެއްބާރުލެއްވުމަށް ޝުކުރު ދަންނަވަން."
މީގެއިތުރުން، ރައީސް މުޢިއްޒު ދިވެހި ޑޮކްޓަރުންގެ ދުވަހުގެ ތަހުނިޔާއާއި ހެޔޮ އެދުންތައް ޞިއްޙީ ޚިދުމަތުގެ ދާއިރާގައި މަސައްކަތްކުރައްވާ މުޅި ޢާއިލާއަށް އަރިސްކުރެއްވިއެވެ. މި ބަޔާނުން ދޭހަވަނީ ސަރުކާރުން ޞިއްޙީ ދާއިރާއަށް ދެއްވާ އަހައްމިއްޔަތުކަމާއި، ޑޮކްޓަރުންގެ މުހިންމުކަން ފާހަގަކުރައްވާކަމެވެ.
ދިވެހިރާއްޖޭގައި ޑޮކްޓަރުންގެ ދުވަސް ފާހަގަކުރަނީ ކޮންމެ އަހަރެއްގެ އެޕްރީލް މަހުގެ 18 ވަނަ ދުވަހުއެވެ.
ސަރުކާރުން އެންމެ އިސްކަންދޭ އެއް ސިޔާސަތަކީ ރައްޔިތުންގެ ދުޅަހެޔޮކަން. ޞިއްޙީ ޚިދުމަތް ހަރުދަނާ ކުރުމަށް މިކުރާ މަސައްކަތުގައި ދިވެހި ޑޮކްޓަރުން ދެއްވާ މަޝްވަރާއާއި އެއްބާރުލެއްވުމަށް ޝުކުރު ދަންނަވަން.
— Dr Mohamed Muizzu (@MMuizzu) April 18, 2025
ދިވެހި ޑޮކްޓަރުންގެ ދުވަހުގެ ތަހުނިޔާއާއި ހެޔޮ އެދުންތައް ޞިއްޙީ ޚިދުމަތުގެ… pic.twitter.com/DlYPK70HTF
