އިސްލާމީކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ގދ. ފަރެސްމާތޮޑާ ކައުންސިލާއި ބައްދަލުކުރައްވައިފިއެވެ. މި ބައްދަލުކުރެއްވުން އޮތީ މިއަދު ހެނދުނު އިސްލާމީކަންތައްތަކާ ބެހޭ ވުޒާރާގައެވެ.
މި ބައްދަލުކުރެއްވުމުގައި އިސްލާމީކަންތައްތަކާ ބެހޭ ވުޒާރާގެ އިސްވެރިންނާއި، ރައްޔިތުންގެ މަޖިލީހުގެ ފަރެސްމާތޮޑާ ދާއިރާގެ އިއްޒަތްތެރި މެމްބަރު އަޝްރަފް ރަޝީދުގެ އިތުރުން ފަރެސްމާތޮޑާ ކައުންސިލްގެ އިސްބޭފުޅުން ވަނީ ބައިވެރިވެލައްވާފައެވެ.
މި ބައްދަލުކުރެއްވުމުގައި މަޝްވަރާ ކުރައްވާފައިވަނީ ގދ. ފަރެސްމާތޮޑާގައި އަލަށް އިމާރާތް ކުރުމަށް ހަމަޖެހިފައިވާ މިސްކިތުގެ މަޝްރޫޢުއާއި ގުޅޭ ގޮތުންނާއި މިހާރު އެރަށުގައި ހުރި މިސްކިތްތަކުގެ ހާލަތާއި ގުޅޭ ގޮތުންނެވެ. މީގެ އިތުރުން އިމާމުންނާއި ގުޅޭ ބައެއްކަންކަމާއި މެދުވެސް މި ބައްދަލުކުރެއްވުމުގައި މަޝްވަރާ ކުރައްވާފައިވެއެވެ.
ހަބަރު: ސަރުކާރު
