ކީރިތި ޤުރުއާން ކިޔެވުމުގެ 37 ވަނަ ޤައުމީ މުބާރާތުގައި މިހާތަނަށް 80 އަށްވުރެ ގިނަ ބައިވެރިން ވަނީ ކިޔަވާފައެވެ. މިކަން އިސްލާމީ ކަންތައްތަކާބެހޭ ވުޒާރާއިން ވަނީ ހާމަކޮށްފައެވެ.
މި މުބާރާތް ފެށިފައިވަނީ މި މަހުގެ 18 ވަނަ ދުވަހުއެވެ. އަދި 19 ވަނަ ދުވަހުގެ ނިޔަލަށް ޖުމްލަ 87 ބައިވެރިން ވަނީ މުބާރާތުގައި ކިޔަވާފައެވެ. މީގެ ތެރޭގައި ހިމެނެނީ ބަލައިގެން ކިޔެވި 44 ބައިވެރިންނާއި، ނުބަލާ ކިޔެވި 43 ބައިވެރިންނެވެ.
އިސްލާމީ ކަންތައްތަކާބެހޭ ވުޒާރާއިން ހާމަކުރި ގޮތުގައި، މިއަހަރުގެ ޤުރުއާން މުބާރާތް ކުރިއަށްދާނީ ތިން ބަޔަކަށް ބަހާލައިގެންނެވެ. އެއީ ހާފިޘުންގެ ބަޔާއި، ސްކޫލް ކުދިންގެ ބަޔާއި، އަދި މުއައްސަސާތަކުގެ ބައެވެ.
މި މުބާރާތަކީ ކޮންމެ އަހަރަކުވެސް ބޭއްވޭ މުހިންމު މުބާރާތެއް ކަމަށްވެފައި، ޤުރުއާން ކިޔެވުމުގެ ފަންނު ކުރިއެރުވުމަށާއި، ޅަފަތުގައި ކުދިންނަށް ޤުރުއާން ކިޔެވުމުގެ ޝައުޤުވެރިކަން އުފެއްދުމަށް މި މުބާރާތުން މަގުފަހިވެގެންދެއެވެ.
މި މުބާރާތުގެ ސަބަބުން ގިނަ ޢަދަދެއްގެ ކުދިންނަށް ޤުރުއާން ކިޔެވުމުގެ ހުނަރު ދަސްކުރުމަށް ފުރުޞަތު ލިބި، ޤައުމީ ފެންވަރުގައި ވާދަކުރުމުގެ ފުރުޞަތު ލިބިގެންދެއެވެ.
