ބޭންކް އޮފް މޯލްޑިވްސްގެ ކްރެޑިޓް ކާޑުތަކުން މަހަކު ބޭނުންކުރެވޭ ޑޮލަރުގެ ލިމިޓު އިތުރުކުރުމަށް ސަރުކާރުން ނިންމައިފިއެވެ.
މިކަން 2024 ވަނަ އަހަރުގެ ފެބްރުއަރީ 1 ވަނަ ދުވަހުން ފެށިގެން އަމަލުކުރަން ފަށާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ އިއުލާނު ކުރައްވާފައެވެ.
މި ބަދަލާ އެކު، ބޭންކް އޮފް މޯލްޑިވްސްގެ ކްލެސިކް ކާޑުގެ މަހު ލިމިޓް 750 ޑޮލަރުން 1,400 ޑޮލަރަށް އިތުރުކުރެވޭނެއެވެ. އަދި ގޯލްޑް ކާޑުގެ ލިމިޓް 750 ޑޮލަރުން 1,500 ޑޮލަރަށް ބޮޑުކުރެވޭއިރު، ޕްލެޓިނަމް ކާޑުގެ ލިމިޓް 1,500 ޑޮލަރުން 2,000 ޑޮލަރަށް އިތުރުކުރެވޭނެއެވެ.
މިކަމާ ގުޅޭގޮތުން ރައީސް މުޢިއްޒު ސޯޝަލް މީޑިއާގައި ޙިއްސާކުރެއްވި ޕޯސްޓެއްގައި ވިދާޅުވެފައިވަނީ، މިއީ ސަރުކާރުން ކްރެޑިޓް ކާޑުގެ ޑޮލަރު ލިމިޓް އިތުރުކުރުމަށް ކުރަމުންދާ މަސައްކަތުގެ ތެރެއިން އަންނަ ބަދަލެއް ކަމަށެވެ.
މި ބަދަލަކީ ރާއްޖޭގެ ރައްޔިތުންނަށް ބޭރު ފައިސާގެ މުޢާމަލާތްތައް ކުރުމަށް ލިބިގެންދާނެ ފަސޭހައެއް ކަމަށާއި، ވިޔަފާރިތަކަށް އިތުރު ލުއިފަސޭހަތަކެއް ލިބިގެންދާނެ ބަދަލެއް ކަމަށް ބެލެވެއެވެ.
